[شموخ مسلمة]

و الله يا جماعة انا فى نقطة بس عايزة اوضحها ان لفظ الرجل لفظ يطلق ع الذكر و الانثى

يعنى مثلا فى موقف معين اليهود قالو (محمد مات و خلف بنات)
ده مش معناها احنا كبنات لا معناها ان مش فى رجالة وقفو ضدهم رجالة شاملة الذكر و الانثى

هوضح اكتر يعنى الرجولة دى صفات و تصرفات بمعنى _هكلمكم بالمصرى البحت_لما تكون البنت جدعة و تتحمل المسئولية تقدر تصد اى حد عارفة هى بتعمل ايه كويس اوى بتعرف تتصرف فى المواقف و مع الناس دى كده بتبقى بنت راجل و احنا كلنا بنقول عليها كده و ان كان بعضنا بيتريق بيها
بس صراحة انا شايفة ان الصفات دى فى بنت ميزة مش عيب

اما لفظ الرجل ع الولاد او الشباب بيبقى نفس الصفات بجانب انه المفروض يعنى يحمى البنت عامة يعنى مش لازم تكون اخته عادى بنت محترمة و شايف انها بتتعرض لموقف مش ظريف من واجبه يحميها و دى صفة جميلة اوى و متوفرة خاصة فى الشعب المصرى بس صراحة بقى قليل اوى لما اشوفها
ده رايى الخاص بيا و ياريت مافيش حد يتريق ع موضوع البنت الراجل لان معلومة البنت الراجل افضل من الولد البنت و انتم فاهمين قصدى كويس اوى و مش معنى كده انها مش تكون رقيقة و رومانسية لا كل ده بجانب انها عارفة امتى تبرز او تظهر الصفات دى

ياريت بقى مافيش حد يزعل منى لو قلت كلمة مش حلوة لانى صدقونى مش قصدتها