شوفى ملكيش دعوة بحد..يعنى متسأليش حد عامل ايه فى المذاكرة..إلا إذا كان قريب منك اوى وعارفة انه صادق..ولو سألتى من غير قصد متتأثريش
لو انتى فى تانية 5 ساعات مذاكرة فى اليوم يبقى انت كدا تمام ومش محتاججة حاجة تانى فى اليوم...وكمان تقدري تاخدى فى الاسبوع يوم اجازة
وأحسنلك فى تانية تروحى المدرسة انا كنت برووح 3 ايام على الاقل فى الاسبوع وهو الاسبوع يعنى 5 أيام..هتروحى المدرسة والدرس ترجعى تلاقى قدامك اربع خمس ساعات تذاكريهم وتنامى ويوم الجمعة ممكن تلعبى تخرجى تتنططى تعملى اللى عيزاه

اهم حاجة متأجليش حاجة ..يعنى اللى تاخديه تذاكريه على طول عشان لو اتأجل هيطير منك وتبقى مذاكرته صعبة وتحلى الاسئلة اللى عندك...ولما تزهقى وانتى بتذاكى قومى خوديلك لفة فى البيت واغسلى وشك وقولى أنا عايزة اطلع الاولى وتعالى على نفسك لأنهم سنتين وهتكونى فى مكان إن شاء الله أحسن

وتالتة نفس النظام بس بتكونى اتعلمتى من تانية اكتر وبتكونى محتاجة تقعدى على المكتب وقت اكتر لكن للحل مش للمذاكرة
افتكرى دايما طموحك انك تطلعى الاولى وتدخلى الكلية اللى بتحبيها..طموحك هو البنزين اللى هيخليكي تشتغلى

وخليكي متفائلة وحاولى تراقبى نفسك كويس وتقيميها تعرفى إذا كنتى ماشية فى الطريق الصح ولا لأ وراضية عن مذاكرتك ولا لأ 
__________________
لما تحس ان انت لوحدك فكّر فيك.......
بص بعينك جوّه عنيك
اصل مفيش غير ايدك تقدر
تاخد وقت الشدة ايديك ..
حتى ف وقت الجرح ماظنش
عين غير عينك تبكى عليك..
|