[نظمى سلام]

أولا أشكر الأساذ علاء على مجهوده وفهمه لموضوع نشاط المكتبة
وأنا النهاردة فى حصة المكتبة للصف الثالث الإبتدائى عملت نشاط قريب من نشاط أ/ علاء وهو إنى قسمت الأولاد لأربع مجموعات على أساس خليت كل تلميذ يعد من رقم1 حتى رقم4 مثلا 1 اللى بعده 2 اللى بعده 3 اللى بعده4 اللى بعده 1 ...2 ...3 ....4 وهكذا وبعدين طلبت من كل تلميذ يحفظ الرقم بتاعه وقلت التلاميذ رقم 1 يبقوا مع بعض فى مجموعه ورقم 2 فى مجموعة و3 فى مجموعه ، 4 فى مجموعه وبكده كونت أربعة مجموعات متساوية وطرحت عليهم سؤال عن أداب المكتبة مثال : عند دخولك المكتبة للإطلاع أو القراءة إيه الأداب التى يجب أن نلتزم بها ؟ وقلت كل مجموعة تكتب الإجابات بتاعتها فى ورقة وتختار واحد منها يتحدث بإسمها وإستمعت لإجابات كل مجموعة وجعلت باقى المجموعات يصفق لها على إجابتها ثم وضحت الدرس مستشهدا بإجاباتهم وقد نجح هذا الأسلوب بشكل رائع لدرجة أن التلاميذ بقوا يقولوا لزملائهم فى الفصل على موضوع الحصة ولقيت أكتر من تلميذ جاى عاوز يشترك فى نشاط المكتبة