[doodydrhazem]

اولا:
الموضوع عام لكن
1- حاولي تحددي العناصر اللي بتبدا الشغب اي كان عددهم في الفصل.
2- ثانيا حاولي تكوني واثقة من نفسك وما تفقديش اعصابك عليهم
3- خدي معاكي ورق وخليكي كوول واول ما واحد يعمل حاجة غلط منهم او اثنين مع بعض او ثلاثة طلعي الورق بتاعك واكتبي مذكرة فيهم ووصوريها بعد الحصة ووجيهيا لمدير المدرسة وقولي لهم ان لو ما اتخدش اجراء هارفعها للوزارة.
اعملي دي وردي عليا حصل ايه
وهنكمل بعد كدا ان شاء الله

المشاركة الأصلية كتبت بواسطة yasmine alabd

السلام عليكم ورحمة الله وبركاته
انا عندى مشكله
انا مدرسة فرنساوى فى مدرسة لغات وعندى فصل مشاغب بطريقه غير عادية جربت معاه كل الطرق سزاء تشويق بمسابقات وجوايز او معاقبة واحيانان بالتهزيء لكن كل دة مجابش نتيجة مع العلم انى اللغة عندى ممتازة ومتمكنة من مادتى الحمد لله لكن اعتقد ان الاولاد مستهينين بالمادة لانها مش داخلة فى المجموع وماعليهاش درجات لكن فوجئت ان المدرسة عملت امتحان تمهيدى قبل امتحان ال ميد تيررم وحطوا فيه الفرنساوى وكتبو ان درجات المواد دى داخلة فى درجة النشاط التعاونى
المطلوب
حد يفهمنى ايه نظام النشاط التعاونى دة وهل اعمال السنه اتلغت ولالا
وحد يدينى حل لانى بجد تعبت واحبطت جدا من الفصل دة لدرجة انى مبقتش قادرة ادخله
ولكم جزيل الشكر