نظرة من الأعلى
كظابط شرطة ... لو وقفت واحد اشوف بطاقته ولا رخصه
حيشتمني ويهزقني وحيمشني
لو وقفته بالعافية احتمال اضرب ان مكنش اسوأ
لو واجهته بالقوة وبحقي القانوني
حيبقى تعدي من الشرطة عالامن وعالمواطن
والراي العام حيتقلب ضدي والقيادات العليا حتـ*****ـــي
يبقى اوجع دماغي ليه ؟
(محدش يقولي مفيش الكلام ده)
كمجلس عسكري
لو فئة من البلطجية عملت مشكلة وحصلت مداهمة
واتمسكو كلهم واتحطوا تحت عين الجيش واتمسح بيهم الارض
بعض مثيري الفتنة والعملاء الخارجيين حيصوروا الكلام ده ويحوروه
على انهم مجموعة من المتظاهرين الغلابة اللى الجيش مسكهم
وطلع دين اللى خلفوهم وادي فيديو لطريقة التعامل معاهم
(ومحدش يقولي محصلش)
وتاني يوم مظاهرة بتندد بالمجلس العسكري وبالجيش
يبقى انا اتدخل ليه ؟
ولا احنا غيرنا نفسنا ولا احنا سايبين القضاء والقانون والامن يعملوا بحرية
يبقى تولع البلد بقى ومنشكيش ونقول الثورة بتضيع