والله يا جماعة أنا حاسس ان ده أجمل عيد من يوم ما ولدتني امي
عادة في العيد بشتغل مبوسه ههههههههههههه
محدش يضحك دا فعلاً بيحصل أنا بصلي العيد في المسجد عندنا وتقريباً عارفني بنسبة 110% فكله بيشوفني و هاتك يا بوس و فرقعه في الجو بئه
بروح البيت دايخ من كتر البوس
أنا بفكر أركب قناع واقي بكرة ان شاء الله ساعة الصلاة
عدد ابوسات ={( 2*عدد المصلين ) + 20} حيث 20 هي عدد الرجال خارج المسجد ,, وعدد المصلين > 30 مصلي وبالتعويض عن المجاهيل في المعادلة السابق ذكرها
. ْ . عدد البوس ( أقل ما يمكن ) =80 بوسة ,,,,,,,,,,,,,,,,,,,,,,,,,,,,,,,,,,,,, وهو المطلوب اثباته #
بعد ما أخد حبيتين اسبرين يفوقوني من ال80 دول هروح باذن الله أشهد الذبح بتاعنا و برده هسلم على الناس الموجوده و يارب كفاية بئه بوس
وأروح بعد كده البيت أعيد على أهلي واااااااااحد وااااااااحد و عيال أخواتي أديهم في سنانهم ,, العيدية عندي كده ,, وأهم حاجه نحقق العيد صح بالفرحة في عدم معصية الله تبارك وتعالى
أرجو يكون عيد سعيد عليكم وكل عام أنتم بخير
__________________
" وإتقوا يوماً ترجعون فيه إلى الله "
الحمد لله على نعمة الإسلام
Engineering is my Life
|