[الدائمة الحزن]

المشاركة الأصلية كتبت بواسطة احمد رضا

السلام عليكم ورحمة الله وبركاته
اهلا وسهلا بيكي مرة تانيه

وعليكم السلام و رحمة الله و بركاته
اهلا بحضرتك

وبليون بالمائه انتي متعرفنيش
ندخل في الموضوع
شويه قريتلك حاجات بتكتب كويس اوى_ ما شاء الله_

انا هبص للموضوع علي اساس انه افتراضات وهرد علي افتراضاتي
وبعدين ابدأ اكلمك بصفه عامه بحيث ان ممكن الافتراضات متكونش صح تماما

من كلامك الشخصين قريبين منك جدا
فيهم واحد يعرف مقدار حبك ليه
والتاني ميعرفش مقدار حبك ليه او فاهمه بالمفهوم اللي انتي مش عيزاه

الشخص اللي يعرف مقدار حبك ليه ممكن يكون صديق او جار قريب اوي منك بس مش بيمتلك كل أسرارك
بدليل انه لو عارف كل أسرارك لكان رفض الشخص التاني
أو قد يكون جبرا ً وقهرا عليه قبوله ودي استبعدها

استبعدها

انا طبعا مش عايز اوضح لان لو الافتراضات دي صح مش كتير اللي هيفهمها زي ما انتي هتفهميها وهتحسي

ماعلينا

ولكن ماحدث قد حدث
واللي قبلينا قالوا
لا تبكي علي اللبن المسكوب
وانا بكملك الحكمه من عندي
" لا تبكي عن اللبن المسكوب ولكن حاول ان تعرف كيف سقط الكوب "
بمعني ان انا اتعلم من الدرس
اللي حصل حصل خلاص
بس مفروض اتعلم درس
ايه الدرس ده بقي
مقدرش اقولك عليه
انتي اللي بتستخلصيه من الموقف نفسه - بما يناسبك -

اكيد طبعا
علماء النفس والمحفزين النفسيين قالوا لما تحب تنسي شخص او موقف
متقولش انا عايز انساه وتفضل تكرره كتير وتفضل شايل حزن وألم في قلبك
لاء اتعلم من الموقف
حلله تحليل جيد
اقعد واسأل نفسك ازاي حصل
طيب وليه حصل
طيب والنتائج
طيب وازاي اتخلص من النتائج
وانا هزودلك حاجة من عندي
حطيها في إطار الإيمان

يعني لما تخلصي خالص
افتكري المواقف دي كويييييس جدا
احفظيها في ذاكرتك عن ظهر قلب
عشان هتيجي في يوم من الايام
تقولي يااااه أما لو كان ده محلصش
كان زماني ندمانه اوي دلوقتي

موجز القول

اشكري واحمدي ربنا
وقولي الحمد لله علي كل شئ
وناجي ربنا واقعدي لوحدك
مش لازم تكلمي ربنا باللغه العربية الفصحي بقي
لاء كلميه باللي حساه
قوليله يارب انا عارفه انك بتحبني
وعارفه انك شايلي الخير
وبحمدك واشكر فضلك
وخليكي قريبه من ربنا
وكوني طيبه
في الاخلاق
والملبس
والعلم
والتعامل

هتلاقي الطيب اللي زيك

" الطيبون للطيبات "

مش شرط بنت وولد هنا علي فكرة
لاء نقدر نفسر الآيه
بالطيب للطيب

اتمني اكون قدرت اساعدك
لولا ان كلامي كله علي افتراضات
بس انا حطيتلك جزئيات تنفع لكل المواقف
وربنا يهديكي ويحفظك حفظ كتابه
واتمني اشوف ردك عن قريب انك بقيتي كويسه
وابقي ادعيلي بقي

والله يا استاذ احمد ده اللي حصل فعلا
اول كلمه خرجت مني بيني وبين نفسي كانت الحمد لله
لكن كانت صعبانه عليا نفسي اوىىىىى و لسه
والحمد لله انا محجبه ولبسي يناسب حجابي مش بيناقضه
الحمد لله
متشكره اوى علي ردك هو بجد ممتاز لكن
المشكله دلوقتي الم الفراق
المشكله في اللي جاي ده
حاسه انه خلاص مبقالوش وقت
حاسه ان الوقت انتهي ومبقاش في فرص تانيه
هي دي المشكله
احاسيسي اللي مش قادره اتخلص منها

شكرا ليكم كلكم
انا معنديش اخوات اولاد للاسف
بس حاسه ان كلكم اخواتي