زى ما قولت الموضوع عايز بحث من حضرتك
باختصار الموضوع
حضرتك هتدخلى معهد سنتين طبعًا هتلاقى الحلو و الوحش زى أى حاجة
و إن شاء الله غالبًا المدرسين و كده بيبقوا متعاطفين بيبقى الموضوع
سهل أوى تجميع درجات ( على فكرة فيه أعمال سنة)
و نقدر نقول الترتيب سهل و فيه ناس بيدخلوا بترول أو هندسة
و كنت أسمع إن فيه معاهد بتودى قسم معين زى هندسة طبية
بس كده المعهد سنتين
و بعدين فيه طريقة تانية هتوفر فى السنين بدل ما تزودها
حضرتك تاخدى كورسات آى تى زى الشبكات مثلاً و تشتغلى إن شاء الله ببكالريوس كليتك عادى
لأن معظم الشركات فى مصر بتشترط شهادة بكالريوس بشكل عام و كورسات و خبرة هتتوفر مع الوقت إن شاء الله
و أقدر أقول إن تقريبًا نص اللى بيشتغلوا فى مجال الشبكات و الآى تى مش من هندسة
و ده شىء عادى و حضرتك ممكن تسألى و تتأكدى و تدورى و أكيد هتلاقى فى بعض الكورسات اللى على النت
ناس تجارة و حقوق و كده و بتشرح يعنى وصلوا لمرحلة أنهم بيشتغلوا و بيشرحوا لمهندسين
الموضوع ده عادى جدًا
معلش لو اتكلمت بره السياق بس أنا بس مستخسر السنين ده
و عمومًا شوفى الموضوع ده برده
و ربنا يوفقك فى أى اتجاه تسلكيه ،،،،،،،
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|