[احمد ماهر حامد]

المشاركة الأصلية كتبت بواسطة ندي محمد ابراهيم المليجي

اعزائي مشتاقة - انج وهاب - محمود - وليد - احمد ماهر
السلام عليكم ورحمة الله وبركاته

اتمني من الله أن تكونوا جميعاً بألف خير وصحة وعافية

اشكرك مشتاقة علي ردك وأنتي كمان وحشتيييييييييني جدا جدا
وبنتظر دخولك علي صفحتنا دائما . ربنا ما يحرمنا من وجودك دائما معنا .

وبالنسبة للأخبار اللي أنا نزلتها أنا بنقلها حرفياً مشمشة من موقع اليوم السابع لأنه تقريباً الموقع الوحيد اللي فاكر إن فيه حاجة أسمها مدرسين وكادر وظيفي حتي لما بدخل علي الموقع الرسمي للأكاديمية مفيهوش لا حس ولا خبر .

واللي أنا قدرت أفهمه إن الموضوع مطول شوية بالنسبة للترقيات وخلافه فبعد تسجيل بيانات من هم علي رأس عملهم ومراجعتها والتأكد من صحتها ( وهذا ضروري جدا ) يوجد تدريب في شهر نوفمبر الحالي ( حسب كلامهم والعهدة علي الراوي ) فالترقية ستكون علي أربع مراحل متتالية ؟؟؟؟؟؟؟؟؟؟

وفتح باب التقديم للمرحلة الرابعة سيكون بمجرد الانتهاء من المرحلة الثالثة التي تم مدها لبعد أيام العيد نظراً للإقبال الشديد من قبل المعلمين، وستكون مخصصة للمعلمين ممن قضوا 5 سنوات فأكثر على آخر درجة مالية أو تاريخ التسكين على درجات الكادر أو كليهما معاً.

وبالنسبة للمغتربين عن الوطن فليس لهم ترقية لأنهم لازم يكونوا علي رأس عملهم .( حسب فهمي )

انج وهاب فينك وحشتيني كتتتتتتتييييييير
وأنتي كمان بستني دخولك علي صفحتنا فمتحرميناش من وجودك الحلو معانا .

محمود الزميل العزيز فينك يا أستاذ محمود أحنا قلقنيين جدا عليك ... طمنا عليك
بقالك اكثر من شهر غائب فلعل المانع خيرا إن شاء الله وعيد سعيد عليك وعلي الأسرة الكريمة ,

الأخ احمد ماهر شكرا علي ردك رغم أني دائما اللي بتأخر علي الرد بس أنا فهمت من كلامك إنك مغترب عن الوطن مثلي فهل أحنا غير منطبق علينا شروط الترقية فعلاً زي ما أنا سمعت وفهمت .

بس ده فيه ظلم شوية لأنهم علي أعتبار أنهم سمحوا لنا بدخول أمتحان الكادر وبنسدد تأميناتنا ومعاشاتنا بانتظام فليه الترقية تكون مؤجلة يعني سيكون هناك مدرسين أحدث مننا في التعيين وسيترقوا ونحن محلك سر . مفيش مشاكل بس ياريت لما ننزل مايكونش فيه اخراعات جديدة يقولوا لينا عليها ويؤجلوا ترقيتنا .

ولك وللجميع الشكر والتحية
والسلام عليكم ورحمة الله وبركاته

السلام عليكم ورحمه الله وبركاته بخصوص ان اللى مسافر ليس له حق الترقيه انا زميل لى مسافر السعوديه اسمه نزل ضمن المرشحين فى الترقيه وهو فى اجازه الان واخبرنى انه ان شاء الله سيدخل التدريب لانه امتحن الكادر من قبل عام 2008 وسكن اما نحن حتى الان لم يتم التسكين بسبب امتحاننا فى اغسطس والظاهر الوزير فاكر ان المسافرين لاحاجه لهم بالترقيه الادبيه هم شاطرين يدفعونا بالدولار
ارجو من الله ان يتحقق اى من مطالب الثوره العظيمه حريه كرامه عداله اجتماعيه