كان لازم يعنى نتدبس التدبيسة "الحلوة" دى ><
غيرك ادبس قبلك .. اسأليني انا 
1- من أنت؟
اسماء ^^
2- ماهو هدفك فى الحياة؟
إرضاء ربى _عز و جل_
بر والدى و والدتى
رفعة وطنى بأن اصير ما اريد : شخصية مرموقة ترقى بمجتمعها و أم صالحة لأصنع ابناء صالحين بفضل و على هدى من الله "إن شاء الله يعنى اما اكبر هههه*
و هدفى الأغلى انى احمى اختى الصغيرة من اي سوء يحاول يمسها و افضل معاها لحد ما اشوفها احسن بنت فى الدنيا ^^
ايه الكلام الكبير ده .. هو مين الل بيتكلم
طالبة ولا محاضرة 
3- صفة فيك تحبها ؟
روحى طفولية و بميل للهدوء ..
4- صفة فيك تكرهها؟
احم .. السذاجة _نوعًا ما يعنى هههه_
ما هي دي اللي بيقولو عليها الطيابة 
5- أكثر شيئ يعصبك؟
همم انا اصلا الفترة دى عصبية اوى ..
بس نقدر نقول الكلام الكتير و الزن ع الودااااان هههههه
صدقتـــــــــــــــــــــــي
6- أكثرشيئ يخوفك؟
ا ...
هجاوب بس مش بأكتر حاجة ..
من اسوأ مخاوفى .. إن تيجى عليا لحظة احس فيها باليأس و الضعف
و اشوف كل امالى بتتحطم قدام عينا
كمان كوابيسى المزمنة << مرررعبة
بخخخخخخخخخخخخ
يا سلام الكلام دا عمره اكبر من 25 سنة
انتي عندك كام سنة بقى ؟؟؟ 
7- من هو مثلك الأعلى ؟
"لقد كان لكم فى رسول الله أسوة حسنة "
الحمد لله إن ربى عز و جل جعل لنا خير الانام اعظم البشر أسوة لنا و كفى ^^
لكن أين نحن من حبيبنا و شفيعنا محمد بن عبد الله صلى الله عليه و آله و صحبه و سلم !
فى النماذج اللى بتعايش معاها هنلاقى والدى و .. اول استاذ ليا فى حياتى ^^
ربنا يخليكو لبعض
8- تجربة مريت بها وتتمنى تكرارها؟
هممممم
مافيش .. يمكن لسة لإن تجاربى قليلة فى الحياة
كبيرها الملاهى يعنى ههههههه
هو ده الرد المناسب لسنك يا سمسه 
9- لما تطفش وين تروح؟
بلعب مع خوختى _خديجة اختى الصغيرة_
او بروح فى مكان اكون فيه لوحدى
افكر فى اعز الاشخاص على قلبى و اتخيلهم معايا و جنبى
لحد ما افرح و ابقا مش طفشانة << على فكرة انا عارفة ان تطفش هنا بمعنى "تحس بملل" ^^
و احيانا بكتب ..
اخيرا عرفت مين خوخة
سلميلي على خوخة وخدي بالك منها
10- من يطربك ؟
همم ماليش فى الطرب والله ^^
لكن بحب الموسيقى الكلاسيكية .. بس بردو بفضل الاستماع لصدى افكارى دون تدخل اي موسيقى
يعني مش غاوية المطرب اللي بيحبوه كل البنات .. مش هقول اسمه 
11- من هو أعز شخص لديك؟
بابا - ماما - خوخة - استاذى
كلهم معزتهم مالهاش حدود و لا يمكن وصفها ^^
دا اكيد طبعا
12- باقة ورد لمن تهديها ؟
ههههه لأعز شخص عندى ^^
اللي هو مين يعني
13- باقة شوك لمن تهديها؟
لنفسى ^^
منتهى التضحية 
يعني مش لاقيه واحد فاسد تديهاله 
14- أعظم شيئ فقدته ؟
ثقتى فى نفسى ............
بقى الالي تقول الكلام الجامد ده معنهاش ثقة في نفسها
15- أعظم جرح دفنته؟
جرح دفنته ؟!!
اللى زيى مش بيقدر يدفن جراحه و لو دفنها بتطارده تانى و بتطلع ليه اغصان كلها شوك
بتخرج من وسط الارض اللى دفنها فيها و هى اكبر و اقوى .. حتى لو دفنها فى صحرا ><
عشان كدا جرحى بيلازمنى لحد الموت ...
17- أسوء خبرسمعته؟
هممم مش فاكرة ^^
يمكن تعب اعز اصدقائى ^^
18- ماهو الموت؟
الموت ؟
لينا راحة او .. عذاب
و علينا .. حق وقيامتنا الصغرى
رزقنى الله و اياكم حسن الخاتمة
يااااااااااااااااااااااااااااااااااااارب
كلام ناس عقلانيييييييييييييييييييين جدا جدا
19- أكثر شيئ اتندمت عليه ؟
همم من اكتر من سنتين
دخلت محادثة بدعوة من احد صديقاتى العزيزات على قلبى
لو رجع بيا الزمن .. مش هدخل ^^
20- دعوة صادقة من قلبك لمن تهديها ؟
لـ "اول استاذ ليا فى حياتى" و هو فى نفس الوقت اعز اصدقائى
ادعيله بـ ................................... ادعيله بظهر الغيب حتى تكون دعوة مستجابة ان شاء الله
يا بخته
21- صف نفسك كما تراها؟
ههههه بنت بسيطة، ذكية و عبيطة، كسلانة و نشيطة ههههههههههه تناقض _مش قولتلكو عبيطة ؟!!
لا بجد .. وصفى مش هيكون دقيق لإن مراية المرء قادرة على خداعه :
انا طباعى هادية
كنت انطوائية بس الحمد لله لإن بابا علمنى افكر صح و لإنى بحب كل الناس بقيت اعرف شوية عن فن التواصل
سريعة التصديق "بصدق اي حد و اي حاجة بسرعة و سهولة _سذاجة بقا_*
احيانا بفقد تركيزى و اكون متسرعة
و الفترة دى عندى نوبة من التوتر و العصبية ><
22- صف نفسك بكلمات بسيطة كما يراها الناس؟
هممم الآراء كتيرة اوى اوى و بتختلف
انا لسة صغيرة لكن مع ذلك بحس انى بلفت الانظار
من آرائهم انى عقلى اكبر من سنى و محترمة و رقيقة و هادية
و بعض الناس بتقول انى سهتانة و فيه بيقولو ياما تحت الساهى دواهى هههههه
بس من رأي بابا إنى طيبة و هبلة .. و إنى جوهرته الجميلة و الغالية 
صدقوا الناااااااااااس 
شكرا ع الاستضافة اللطيفة دى .. 
بس مافيش واحد لمون و لا اي واجب كدا
اعملو حساب انى جاوبت على 22 سؤال بحالهم
سبحانك اللهم و بحمدك اشهد أن لا اله الا انت استغفرك و اتوب اليك ^^
دمتم فى رعاية الله و حفظه ..