[أ/رضا عطيه]

المشاركة الأصلية كتبت بواسطة sofia el-behairy

ل

كل من يسب و يلعن في المتظاهرين اللي في التحرير .. لو سمحت أقرأ ده ضروري

الكلمتين دول واقفين فى زورى من زمان وعايز اقولهم

* الاستفتاء ......... اتزور

* قانون الغدر ....... اتغير

* قانون منع التظاهر .... افتكسوه

* قانون المحاكمة العسكرية ...... اخترعوه

* حكم رفع اسم المخلوع ... اتلغى

* قضية قطع الاتصالات .... اتلغت

* تسجيلات القتل العمد للثوار و المكالمات ... اتمسحت

* فارغ طلقات الرصاص ... اختفت

* فلول النظام واعوان مبارك .... فى كل مكان

* الاعلام المصرى ........ اتهبل اكتر ما هو

* مستندات ثروة المخلوع .... اختفت

* اهالي الشهداء ... بيتهددوا وبيتصفوا

* قانون الطوارئ ...... متلغاش

* اعضاء الحزب الوطنى ...... برضه ماسكين كل اجهزة الدولة

* امن الدولة ........ لسه شغال

* الشرطة ........ مش موجوده غير علشان المتظاهرين

* البلطجية ........... فى كل مكان

* الاسعار .................... بقت نار

* خطط الحكومة .............. غير موجودة

* قانون الانتخابات ............ زى الزفت

* قرار فصل اعضاء الحزب الوطنى من اجهزة الدولة ... تم بعد ضغط

* الشعب ... بيسقف و يزغرط بفض الميادين علشان خاطر عجلة الانتاج
حوش ياجدع الطيارات والصواريخ والدبابات اللى بنصنعها بقالنا 30 سنة
وبسبب التظاهرات المشئومة حال البلد وقف...

* المستندات اللي الشعب قدر يحصل عليها ...
اتسلمت للمجلس و النائب العام علشان يكملوا حرقها و فرمها
بس غصب عنهم والله ده بسبب ماس كهربائى

* الميدان اللي حيلتنا ... احتلوه وسيطرت عليه قوات حفظ الصينية !!

* شعارهم الجديد ... الجيش والشرطة ايد واحدة.... طب ضد مين ؟؟؟؟

* صوتنا ... بيكتموه

* حقوقنا اللي كانت ضائعة ... ضاعت اكتر واكتر

* الثوار ....... محاكمات عسكريه

* الجيش ..... نزل ضد شعبه

* المشير وعنان وسليمان ... مبارك والعادلى لم يأمروا بقتل المتظاهرين
طيب حد يقوللى بقى انتو حميتوا الثورة من مين ؟؟؟
ولا المتظاهرين دول ماتوا نتيجة لأن صلاحيتهم كبشر انتهت ؟

* الانتخابات ... مسؤولها نفس المسؤول بتاع 2005 و 2010

* انابيب البوتجاز ..... وصلت 40 جنيه والناس بتموت مش لاقياها اساساً
فى الوقت اللى الغاز المصرى واصل كل بيت ف اسرائيل والاردن

* البنزين ...... يكاد يكون اختفى تماما بالرغم من ان انتج شركات البترول فى مصر
يغطى احتياجات 94 % من الشعب المصرى ؟؟؟؟

*******************
مصر اللى مهما يحصل فيها مش هقول ولا يوم من ايامك يامخلوع

*****************

********
فعلا احنا ننزل ليه؟ مفيش سبب ننزله !!

إيه الجمال ده ؟

رائع والله

لكن هل تعتقدين لو البرادعى تولى رئاسة حكومة الإنقاذ

أو حتى خدوا من كل عيلة فى البلد واحد يمثلهم

هيبطلوا ينزلوا الميدان ؟

لو نزل لهم ملك من السما لن يمنعهم النزول إلى الميدان

إدمان للبعض

لماذا امتنع الكبار عن الحوار

لأنهم لايملكون سوى الفكر الغدّار

وهاهم يدعون لتظاهرة كبيرة اليوم

لا أسميها سوى تظاهرة الحصاد على دماء الشباب

لماذا لم يتدخلوا لمنع هذه المجازر إن كانوا فعلا يقدرون دماء هذا الشباب

واكتفوا بالتعليق على المباراة من خارج الاستاد

فقط لأنها تفتح لهم أبواب المكاسب السياسية

وهاهم ذهبوا لحصادها اليوم والجمعة القادمة

ألا لعنة الله على السياسة ومصائبها وألاعيبها



الموضوع أكبر مما نتوقع

وربنا يسترها على مصر

شكرا على الروائع