ازيك ياميدو عامل ايه
والله انت جبت فعلا موضوع من افضل واصعب واجمد المواضيع اللي بحثت فيها
قريت كتب كامله عن الجهميه
وقريت كتب كامله عن المعتزله
اول اتنين بحثوا في النطاق ده
وكل واحد مأيد بأراء رهيبه
بس والله يا ميدو انا مقتنع ان ربنا عادل جدا
ووالقدره الالهيه لله عزوجل اسمي واعلي من انه يجبر شوية حاجات زينا
بمعني ان ربنا مدينا الإراده
بس في نطاق الحرية المحدوده
يعني بيحطلك حدود للحرية
مش تيجي تقولي هو انا اخترت اسمي
ولوني
وشكي
وديني
واهلي
والشمس اللي بتيجي من الشرق علي طول دي
كل دي حاجات ربنا مش مديلك الصلاحيات انك تعملها
انت بشري
هتشبه نفسك بالإله
وبعدين ياسيدي لو ربنا اجبرنا علي افعالنا
فليه هيحاسبنا علي افعال هو اللي مخلينا نعمله
ما - استغفر الله العظيم - يحاسب نفسه هوا
ولو ربنا مقدر مين اللي هيدخل الجنه ومين هيدخل النار
يبقي فين العدل
اشمعني يعني ده يدخل الجنه وده يدخل النار
إلا في حاله واحده بقي
لو احنا اتخلقنا قبل كدا وعشنا بكامل حريتنا وعملنا كل اللي احنا عايزينه ورحنا النار فعلا ورحنا الجنه وبُعثنا من جديد
وطبعا ده كلام فاسد
اذن يبقي ربنا خلقنا بقدرة محدوده
الانسان ميقدرش يتعدي عليها مهما حصل
لان فيه اسئله كتير في حاله اننا مصيرين
لماذا يحسبنا الله علي افعال لم نقم بها بكامل إرادتنا
إذا قدُر كل شئ من قديم الازل
فلماذا خلقنا الله
هل للتسليه
ام لماذا
اسئله كتير بتنفي ان الانسان مصير
