[highlight]

المشاركة الأصلية كتبت بواسطة ahmed doula

والله انا مستغرب بردو ايه اللى جايب الناس عند الداخليه وايه اصلا اللى مطلعهم من بيوتهم

يا جماعه هو فيه رئيس او حكومه اصلا عشان نتظاهر؟؟

المجلس وحكومته ايا كانت مش هيعملو حاجه ومش ناويين اصلا يعملو حاجه لانهم مش مضطرين ومش عايزين

هما مجرد يعنى اهى حاجه موجوده عبال مالانتخابات ماتخلص احسن من مفيش

وبس يا حبيبى مفيش بلطجيه احسن هنا مش فى فيلم هندى وبطل تسمع التلفزيون المصرى بقى انا عن نفسى بتفرج عليه لما اكون عايز اضحك

ومن الاخر مفيش بلطجى هتلاقى معاه خرطوش او مطاطى او غاز مسيل او قناصه او رصاص حى حتى وداخل يضرب فى الناس فى الميدان والشرطه والجيش سيبينو يضرب فى الناس (مابقولك احنا مش فى فيلم هندى) انلس ان الشرطه والجيش هما اللى بيبضربو فى الناس

ومش غريبه يعنى مالجيش قتل الناس فى ماسبيرو والمشير طلع واعتذر كان فى بلطجيه ساعتها بقى؟؟

على فكرة يا احمد شكلك من المخدوعين فى المجلس العسكرى...
بس ابسط حاجة هقولهالك.........
ان المجلس كان منزل بيان اول ما مسك .....
ان انتخابات الرياسة مش هتقعود لحد 2012.........
دا سبب كفاية لوجود الناس دى كلها فى الشارع

المشاركة الأصلية كتبت بواسطة zamalek1

الاختلاف فى الراى لا يفسد للود قضية بس بتوع التحرير(((((بلطجية))))) وهتعرفوا قريب اوى ان اللى ورا كل ده البرادعى وطبعا انتوا عارفين مين ورا البرادعى و6 ابرايل

مممممممم..............
اخويا لو سمعك يتقول كده على البرادعى........
يبقى رحمة الله عليك........
على فكرة اخويا فى حملة دعم البرادعى فى اسكندرية.......
و فعلا البرادعى مش ورا كل ده........
و حرام عليك لما تقول بتوع التحرير بلطجية........
لولاهم......... مكانش كل ده حصل........
ولو هم بلطجية بجد........انا عايزة البلطجية دول
عشان بيجبوا حقك و حقى........

المشاركة الأصلية كتبت بواسطة bobty2011

فعلا انا شايفه ان مصر بتنهار بل انهارت فعلا انا نفسي اعرف هما اللي في التحرير عايزين ايه
مشوا الرئيس مشيناه مشوا الحكومه مشيناها كمان عايزين الجيس لا ده اسمه استهبال وكده مصر عمرها ما هتتقدم

ايوة يا بوتى.........
عايزين المجلس كله يسيب الادارة و يمشى..........
بجد انا حاسة انكوا مش عايشين معانا فى البلد...
بس انا عاذراكوا....انتوا بتشوفوا اللى بيتعرض على التليفزيون بس...
محدش يستامن اى حاجة يشوفها..........
مصر لسه متغيرتش.......

المشاركة الأصلية كتبت بواسطة zamalek1

يا جماعة بتوع التحرير دول قلة مندسة عندها ايجيندات اجنبية من امريكا متمثلة فى البرادعى و6 ابريل ومن بعض الدول العربية بتمول السلف مثل السعودية وكمان ايران وكمان بياخدوا فلوس

والله العظيم حرام.........