يا جماعة احنا منين معظمنا بيقول الاخوان احنا مش معاهم عشان شغلهم سياسى و منين دلوقتى جايين نقول هما فين ........الاخوان لو شاركو كنا هنذمهم برده يبقى مش من العدل اننا نطالب الاخوان بانهم يشتركو فى حاجة زى كده
ثانيا معظم الشعب المصرى مش اشترك اشمعنى الاخوان اللى بنلوم عليهم
ده رايى فى موضوع اننا نلوم الاخوان..........بس كلمة حق برده بعيد عن الاضراب الاخوان كسلطة سياسية مش عملو حاجة مع انهم دايما بيقولو انهم مع المواطن العادى
ع فكرة انا عارفة ان معظمكم هيقولو انا بعارض نفسى منين بقول اننا مش لينا حق اننا نلومهم فى الاضراب و منين بقو ل انهم مش عملو اللى عليهم
هحاول اوضح : الاخوان كجماعة معروف ان نشاطها مستقل بمعنى انها بتعمل اى نشاط لوحدها مش بتشترك مع اى جماعة تانية فمن الطبيعى انهم فى موضوع الاضراب يتساووا باى مواطن عادى مش اشترك فى الاضراب اوكى
اما من الناحية التانية فالاخوان المفروض انها جماعة لمصلحة الشعب و بيفرقها عن المواطن العادى هنا انها متمتعة بمجلس الشعب او اى سلطة تانية من سلطات الاخوان و مع ذلك مش شفنا اى حاجة عملوها فى اى حاجة حصلت فى مصر فى الفترة الاخيرة و ماحدش يقولى اصلهم مضطهدين لانى هقوله مادام مش قادرين يستخدمو الكرسى للمواطن امال واخدينه ليه
*****************************
رايى بقى عن الاضراب
صراحة انا من الاول مش متوافقة مع موضوع الاضراب ده !!!!!!!!!! لان الحكومة عايزة البلد تخرب احنا بنسهلها ده و كمان احنا اللى بنضر نفسنا معلش يعنى اوكى انت واحد ياسيدى ربنا يسهلهالك غيرك مش لاقى اللقمة مش من المنطقى تقوله مش تشتغل .هيقول عليك لاما اهبل لاما مش حاسس بغيرك لانهم فعلا مش لاقيين اللقمة
و انا مش اقصد بكلمة انت ربنا يسهلهالك اى حد كتب فى الموضوع انا بتكلم عامة
و الله انا شايفة ان افضل طريقة هى اننا نضغط ع اصحاب السلع بمقاطعتنا للسلع نفسها او ع الاقل تقليلها و احنا كده مش هنضغط ع محلاتنا احنا لا احنا بنضغط ع اللى شايلين السلع
يارب مش اكون طولت عليكم
|