اكتر حد اثر فيا جدى انا بحبة جدا جدا مش هتصدقوا لو قولت انى بحبة اكتر من اخواتى
بحس وانا قاعدة معاة انى قاعدة مع شخص فريد من نوعة بحس انة بحر من المعلومات
هو اساسا كان مدير بنك التنمية والائتمان الزراعى بس بحكم السن هو حاليا على المعاش
جدى عندة معلومات عن كل حاجة بيحب القراة جدا جدا وتقريبا ورثها لينا
كان عندى امتحان مش فاكرة مادة اية بس مادة بتخلص بسرعة اخدت كتاب معايا قعدت اقرا فية كان المراقب هيطردنى بس الحمد للة مش اتطردت على اخر لحظة
بجد كل حاجة فى جدى جميلة بيتهيالى الناس اللى من النوع دة خلصوا
وللاسف برضو انا مقصرة فى حقة جامد انا حتى مش زرتة من العيد اللى فات
