اولا معنى كلمه دوله مدنيه ذات مرجعيه دينيه يعنى القانون والتشريعات اللى ماشيين بيها تكون اسلاميه
يعنى مثلا الاسلام محرم الخمر يبقى القانون لازم يحرمه بردو ويعاقب عليه
مش زى بره ماهو حلال لمن هم تعدوا السن القانونى +18
وهكذا بقى ..... انما السفهاء اللى بيحاولوا يتحكموا فى الناس دول ملهمش علاقه بالدين دول شويه جبناء
اقرب مثال ...... شيخ يطلع يقولك كلمه برب حرام قال ايه عشان فيها رب يعنى الله فى حين انها اختصار ل Be Right Back زكل الاجانب بيقولوها
مثال تانى ........ لسه سامع شيخ محترم على قناه الناس (الشيخ ابو اسماعيل) عشان نبقى واضحين وده سلفى طبعا ...
بيقول بقى فى الحلقه كان بيتكلم عن المنتجات المختلفه وسبب تسميتها بالاسم ده اسمعوا الهجس بقى :-
1- كوكا كولا : لو قريتها بالمقلوب تجدها لا محمد لا مكه (ماهو ميعرفش انها اختصار ل coke و cola ودول مادتين يتم استخراجهم من النباتات ويصنع بهم المشروب)
2- بيبسى : اختصار ل Pay Every Penny to Save Israel (ماهو ميعرفش انزيم البيبسين الهاضم الموجود فى المشروب للاسف)
3- سفن اب : ودى بقى اكتر واحده عجبانى قال ايه بيقول ان كلمه سف مكتوبه على شكل كلمه الله وليه بقى عشان تترمى فى الزباله والعياذ بالله وكل القصه ان صاحب الشركه كان بياخد اقتراحات التسميه فى ورق وكان كاتب واحد من المقترحين dnL وده اختصارا ل drink national lemon واحنا طبعا عارفين ان سفن لموون ولكن صاحب الشركه مسك الورقه بالمقلوب فقراها 7upهههههههه وعجبوا الاسم ده وخلصت مش حكايه يعنى
وده واشكاله احب اقوله على حاجتين
اولا مفيش حاجه اسمها نظريه المؤامره
ثانيا كلمه كوكا كولا وسفن دول المسلمين اللى مترجمينها ترجمه حرفيه مش الغرب اللى مخترعنها كده
تفتكروا ناس جهله زى دول لو مسكوا البلد هيعملوا ايه؟؟
هيحرموا الكلام ده كله وغيره كمان ده غير انهم هيبوظوا العلاقات الخارجيه مع الدول التانيه وخصوصا اسرائيل وممكن ندخل فى حرب !! زى امبارح كنت بسمع القاهره اليوم وطلع واحد سلفى كلنا عارفينه بس بلاش اذكر اسمه ده كان بيقول لو مسكنا الحكم مش هنخلى المسيحين يمسكوا مناصب وهندفعهم جزيه ومش هيدخلوا الجيش والحجاب هيكون فرض وهنطبق الحدود والقصاص وده غير انه بيقول اى شيى الشعب هيعترض عليه هنعرضه على مجمع البحوث الاسلاميه ههههههههههههههههههههههه
اذا كان السلفيين بيقولوا كده قبل ما يمسكوا امال هيعملوا ايه لو مسكوا ؟؟ اعوذ بالله
وعلى فكره فى نفس الحلقه كان قاعد جمبه واحد اخوانى بردو وكان بيعارضوا فى كل ده هما اى نعم ممكن يغيروا كلامهم بعدين لكن على الاقل مش بيقولوه كده فى وشنا عافيه
|