مع احترامى لرأيك ...
انا شايف انك خلطت الاوراق
المشكلة دلوقتى مشكلة غلاء...تمام؟ ايه دخل الدين فى الموضوع ؟
عارف ان الدين بيحضنا على السلوكيات الحميدة والخلاق والبر والتقوى والعمل والعلم ...كل ده معلوم بالفطرة ؛ لكن لما نيجى نواجه مشكلة اقتصادية او علمية او اجتماعية او ايا كان سببها لابد ننرجع للاسباب
مشكلة الغلاء ايه علاقتها بالاغانى ؟
90% اغانى على الموبايلات ...دى حقيقة بس ده ان دل فبيدل على تفاهة الشباب ومالوش صلة قريبا او بعيدا بموضوع اقتصادى زى الغلاء مثلا..
ليه احنا دولة فقيرة ؟
عشان مش عندنا فكر يخلينا دولة غنية
الفكر اللى يخلينا دولة غنية نوصله ازاى ؟
نشوف الدول الغنية عملت ايه ونعمل زيها
ده الاسلوب الصح لحل اى مشكلة
ملحوظة جانبية: اثناء فترة حكم عمر بن الخطاب رضى الله عنه تعرضت الدولة الاسلامية لفترة معينة للفقر والجوع والقحط التام مع ان الخليفة عمر هو اللى بيحكم والناس فى الوقت ده ماكنتش لسه ركبت دش ولا شافت نانسى ولا سمعت اغانى وكانت ظروف الصلاح والتقوى متوفرة بشكل كبير
اتمنى اكون وصلت فكرتى واتمنى تتقبل الاختلاف
|