اقتباس:
المشاركة الأصلية كتبت بواسطة مسيو منتصر الجميلي
دعني اختلف مع حضرتك فكل من بداخل المؤسسة التعليمية هو مشارك فيها ولكن قد تكون هناك فروق في المشاركة وبالتالي تكون هناك فروق في الدخل لكننا نرجو ان ياخذ الكل حقه في الزيادة لان المؤسسة التعليمية تختلف عن مؤسسات اخرى ايضا
|
المؤسسة التعليمية
طالب ومعلم
والباقى مكمل يمكن استغناء عن معظمهم ان لم يكن جميعهم
مش معقول ندخل اى ادارة تلاقى عدد مكاتب كل عملهم فقط امضاء كل حرف مع موظف
فى وقت كل العمل ده ممكن يقوم به شخص واحد يتعامل مع الكمبيوتر
وتنتهى الحدوتة
لسه كشوف المرتبات بيعملوها بخانات صغيرة وبالقلم والة حاسبة
فى وقت يمكن عمل كل الشغل ده بالكمبيوتر لشخص يجيد استخدام الكمبيوتر
بدر عمل شرط الترقى الحصول على icdl
و كان صح
لان الطالب مستواه اعلى من مدرسه لانه بيخلص اعدادى معاه icdl تقريبا
يبقى ازاى يتعلم من معلم اقل منه علمياً؟
ورغم كده الكل كان بيهاجمه
واتعملت مشكلة ورجعنا للخلف تانى
لان مفيش حد بيكافىء ولا بيقدر واللى مبيشتغلش واخد حقه أكتر من اللى بيشتغل
مدير المديرية اول واحد كان بيحارب المعلم
وبيوقف اى حاجه لمصلحة المعلم
ادارى التعليم بيحقدوا على المعلم بطريقة بشعه وحقدهم مش قادرين يخفوه
لانهم بيعملو مقارنات معهم مش من حقهم
هل التمرجى يتساوى بالطبيب؟
ايعقل هذا ؟
الإداريين عاملين اضراب بقالهم اسبوع والعملية التعليمية مستمرة دون توقف
وده اكبر دليل انهم عماله زايده
مدير المديرية عمل مذكرة ورفعها لمحافظ الدقهلية
اللواء / صلاح المعداوى
قاله محافظ الغربية صرف الحافز لإداريين
رد المحافظ رد قوى جدا وقاله
هات محافظ الغربية هنا وانا اروح هناك
لان الرجل بيتصرف صح
وملفات المفسدين بالمديرية واجب كشفها للجميع ويكفى انه مقدرش
يرفع ايده ويوقع على الورقة لصرف الحافز
اللى مجهزينها عشان يقبضو من خزانة فارغة
مش معنى كلامنا انهم ما يقبضوش ما يكفيهم
ولكن من الظلم ان تكون الوصاية لادارى على معلم
او يتحكم ادارى فى عملية تعليمية
وربنا يصلح الحال
ويكون النجاح للعربى فهو ادرى منا بهم
ويعلم بالمفسد قبل المصلح