لاننا شعب جبان نوعا ما ...يا عم وانا مالى ، اعمل اضراب ليه ويتخصم من مرتبى ليه ...عيالى اولى بالفلوس اللى هتضيع دى
انا عن نفسى رحت الكلية فى اليوم ده عشان مفيش حاجة تفوتنى خصوصا ان كليتنا فيها غياب وحضور ولو فاتنا حاجة مش بترجع تانى...كمان لانى كنت واثق ان مفيش حد هيعمل اضراب ولو حصل اضراب هيكون بشكل بسيط
لان الناس مابقاش عندها ضمير ...صاحب المخبز بيجيله الدقيق مدعم بيبعه بسعر السوق عشان يكسب ارباح خيالية وبدل ما يخبز ستين شوال تلاقيه بيخبز اتنين بس وبيبيع الباقى !!!
ولو فى مرة جه مفتش التموين ولا حاجة بيديله 200 جنيه ولا حاجة وكان الله بالسر عليم
واحنا بنشوف وبنكست لاننا شعب عبيط وعلى نياته
اقتباس:
|
لماذا نهتم بالممثل كذا والمطربه كذا؟
|
عشان الإعلام للاسف بين للشباب ان دول قدوة..الموضوع بالنسبة للإعلام بيزنس اصلا ...انهاردة هنستضيف النجم الرهيب العظيم الكبير فلان الفلانى انتظرونا يوم كذا الساعة كذا ...التفخيم ده والتمجيد ده بيخللى الشباب يشوف الفنان اكبر من حجمه ويهتم بيه ويتابع اخباره ؛ لكن لو احنا شباب واعى ماكنش ده هيحصل
اقتباس:
لماذا انتشرت الرسوم المسيئة للرسول؟
|
عشان احنا اللى وصلنا الصورة دى للغرب عن الرسول صلى الله عليه وسلم
والمطلوب مننا بدل اللطم والصويت والصوت العالى والاساليب البربرية دى .. نوصل الصورة الحقيقة لديننا بمنتهى العقلانية والهدوء
اقتباس:
لماذا نحن نسمح لللاعداء فى التدخل فى شئوننا؟
|
ببساطة لان الاعداء اقوى مننا علميا واقتصاديا واحنا لا حول ولا قوة لنا
ولما نبقى زيهم علميا واقتصاديا محدش هيقدر يعمل معانا اى شىء
اقتباس:
لماذا خرج شعار الاسلام هو الحل وتم القضاء عليه؟
|
فى رأيى ان الشعار اصلا مبهم والاخوان لما حطوا الشعار ده حطوه لمجرد جذب عطف الناس واللعب على وتر الدين لان الشعب المصرى طيب وغلبان وبيصدق اى حد يتكلم فى الدين
ولحد الآن الاخوان ماقدموش اى حل اسلامى لاى مشكلة رغم ان ليهم كثافة نسبية جوا مجلس الشعب وبرغم كده لا شوفناهم فى كارثة العبارة ولا شوفناهم فى كارثة المحلة ولا هنشوفهم اصلا