اقتباس:
المشاركة الأصلية كتبت بواسطة احمد رضا
بس يبقي انت كدا بتتخلي عن دينك ومبادئه
مش الظابط
لاء انت
مش مراعي انك مسلم
وفيه احكام وتشريعات مينفعش نخرج عنها |
هو انا اللي اتفقت مع شعبولا احنا بنتكلم عن اختيار شعبولا كطريقة دعايه متكلمناش علي انه حرام ولا حلال من ناحية حرام ولا حلال يبقي في حاجات كتير الدعاة الاسلاميين اللي بيقولوا انهم دعاة اسلاميين زي مصطفي حسني ومعز مسعود مثلا بيعتمدوا علي الاغاني عشان يوصلوا للشباب طريقه غلط واسلوب لا يجوز شرعا ودول دعاه اسلاميين
هنيجي نتكلم بقي علي واحد قالها بالفم المليان انا مش داعيه واتفق مع شعبان ومع غيره هو اللي هيتحاسب علي نتيجة اتفاقه
انما انا ليا اللي شايفه كتير جدا من المدمنين استجابه للحمله ولو هنبص للحمله بوجه عام هنلاقي ان عمرو خالد اعتمد اعتماد كبير جدا جدا علي المغنيين وعلي الرغم من كدا الحملة نجحت
يبقي منجيش علي شعبان ونتكلم بقي
وبعدين سؤال بقي مش في قاعده في الاسلام بتقول ان الضرورات تبيح المحظورات لو يا احمد او غيرك قولتلي علي طريقه تانيه نقدر نوصل بيها للطبقه بتاعت شعبان من غيره او غير اللي زيه يبقي تمام
طب لو مفيش نسيبهم يتحرقوا بجاز ولا ساعتها ممكن نستخدم القاعده دي؟ علي اساس ان مفيش غير الطريقه دي طبعا
ومستني ردك يا حج