مش عارف بحس ان الشعب المصرى له بصمته الخاصة فى اختراع طرق للنصب
من كام سنة قريت لصحفى بيكتب فى جريدة ساخرة ..كان بيحكى عن موقف حصله
كان فى رمسيس ولقى واحد قاعد بيبيع كتاكيت وبينادى ع الناس وبيقول ان الكتاكيت دى عندها قدرة على الرقص ..الراجل بيبص فى القفص لقى فعلا الكتاكيت بتتنطط وبترقص واما اشترى وروح اكتشف انهم كتاكيت عادية خالص ..؛ عرف فيما بعد ان بائع الكتاكيت ده كان حاطط صاجة وتحتها شعلة نار خفيفة بحيث ان الكتاكيت تتلسوع بقدر معقول فتقوم ناطة ويبان للزبون انها بترقص !!!
عبقرية غير محدودة فى النصب فعلا...يمكن الناس اما تعبت وشقيت من الطريق الصح لاكل العيش فكرت انها تلجأ لطرق حرام ؟
|