[أ/رضا عطيه]

التعالب والتعميم وعاطفة المهاويس


لوثائر حرق البلد

وقلنا عليه بلطجى

تلاقى مليون مبرر يقول

ده مندس

لكن الثوار مايعملوش كدا

ونتبرأ منه حتى لوكان من كبيرهم!

ولو فرد شرطة أو جيش أخطأ

مليون موضوع ومليون مقال تلعن الشرطة والجيش

والتعميم قاعدة ثابته !

ليه؟

لأن الشرطة كانت مستهدفة فدمرت

والأن الجيش مستهدف وشكله كدا على الأبواب

والسؤال

عندما تسلم الرئاسة لرئيس مدنى وحكومة مدنية ومجلس نيابى بعد موافقة 6إبريل طبعا

وحدث مثل هذا الحدث أو كارثة

فلمن سيلجأ الرئيس المدنى والحكومة لمواجهة هذا الأمر

أليس للجيش والشرطة ؟!

فماذا سيحدث لهذا البلد لو قضينا عليهما

أقترح

تكوين جيش من نوارة نجم وسالى توما وغادة كمال

وليس هذا سخرية من جانبى

ولكنهم ذكروا هذا على قناتهم المفضلة الملعونة مباشر مصر

قالوا الواحدة منهم بألف من هؤلاء ال-----

وعلى قناة مصر25 قال العربى عضو6إبريل

البلد بلدنا والثورة ثورتنا ولايحق لأحد أن يتحدث باسم الثورة وهو فى بيته أو الانتخابات !

نفسى أسأل نفسى قبلكم

البلد بلدهم والثورة ثورتهم

طب احنا محموقين كدا ليه ؟

خلوها تولع وهما اتعهدوا يبنوها لنا من تانى

زى ليبيا وهذا كان مثاله وليس لى فى الأمر من شىء

م الأخر

طنطاوى لازم يدفع التمن

وأخر خدمة المصريين علقة

لوكانت الثورة كما تحاولون إقناعنا أنها مستمرة بهذه النيران

وهذه هى صورتها الحالية

فأنا أول مصرى هينزل الشارع وهقول

( ولايوم من أيامك يامبارك )

لأنى إنسان صبح عباسية

لأنى إنسان بسأل ليه كل دا

ألاقى الرد كانوا بيلعبوا كرة الفجر -- بيلعبوا كرة وكل شوطه بتنزل البلد مليارات !

وإيه يعنى

الدستور بيكفل لهم هذا الحق - ولعب الكرة قانونى - ولازم تكون فيه روح رياضية

الغلط مش عليهم --- الغلط على الأضواء الكاشفة المتوفرة واحنا بنبات فى الضلمة

بيلعبوا كرة الفجر واحنا مرعوبين نخرج من بيوتنا بعد المغرب

نستاهل هو احنا ثوار ؟

مرعوبين من الجوع والفقر

برده نستاهل

حد قالنا تزود الشرف حبتين

حبه كدا وحبه كدا تمشى وكنا حوشنا قلرشين للعيال

يلا شهر قاعد فى الميدان وبياكل حواوشى وسمك مش عارف اسمه إيه

لو العباسية اشتغلت معايا وجبت لولادى الأكلة دى هنصوم بقيت الشهر


هما صح !

واحنا نستاهل كل اللى يجرى لنا