[lolo caty39]

السلام عليكم ورحمة الله وبركاته
اختى الفاضلة موضوعك بصراحة مميز وفادنى جدا جدا وربنا يجعله فى ميزان حسناتك وبما انك انتى وفراشة حكيتو قصتكو انا كمان عايزة احكى قصة لبسى للنقاب
اولا انا كنت فى اولى اعداداى اول اسبوع وصاحبة اختى انتقبت فا ماما بعديها بيوم تقريبا بتقولها انتى مش ناوية تتنقبى ؟ بس ماما ماكنتش تعرف ان صحبتها اتنقبت وكان اخويا اليوم الى قبليه بيقولها انا هقول ماما انك تتنقبى هههههههههههه حشرية بعيد عنكو المهم اختى قالتلها ماشى انا مش معترضة يعنى فا طبعا لازم يبقى فى تقليد انا ما رضيتش افاتح ماما فى الموضوع دا لان اختى الاكبر منى كانت لسه ما لبستهوش بس الكبيرة كانت لبساه فقولت ممكن يحصل مشاكل وكدا فا كنت مستنية بفارغ الصبر انها تتنقب المهم اليوم اللى بعديه كان اول يوم فى الاسبوع التانى فى الترم الاول روحت قولت لماما يا امى انا عايزة البس النقاب قالتلى لا انتى لسه صغيرة قولتلها لا انا من صغرى بحبه وانتى قولتيلى لما تكبرى وانا سكت وبعديها فكرت تانى ولما كبرت يعنى بلغت قولتلك وانتى دلوقتى مش راضية ؟ راحت قالتلى ما تعارضنيش انا قولت كلمة وياريت تتنفذ وراحت مشيت فا قعدت اعيط واصرخ وقولتلها اشمعنا اخواتى لبسوه وانا لا ما رديتش ومشيت وقعدت استمر فى العياط بصوت علشان تسمع كلامى واقولها كدا حرام عليكى لانى بقولك انى اعمل حاجة ترضى ربنا مش تغضبه راحت قالتلى لا برضو فا قولتلها مش هنزل من البيت ولا اروح المدرسة غير لما البسه قالتلى لا هتنزلى قولتلها انا حلفت ومش هصوم ولا اكفر والذنب هيبقى عليكى ولو ما نفذتيش كلامى لان النقاب انتى عارفة ان فى راى بيقول فرض وانتى واخده بالراى دا ومش واخدة بالاراء التانية قالتلى قولت لا مرة اسمعى الكلام وقومى البسى انا كاويت الهدوم قولتلها لا راح ابى صحى على صوتنا وكان طبعا مش صاحى بدرى لان هو شغله برة وبييجى يقعد اسبوعين او على حسب فا صحى بيقول فى اى ماما جت تردت روحت قولت ماما مش راضية تلبسنى النقاب قالتله انا مش عايزاها تلبسه قالها ليه قالتلو لسه صغيرة قالها صغيرة يعنى اى فا قالها مش هى بلغت خلاص يبقى هى حرة هى اللى قررت وانا ما يرضينيش ان بنتى تكون عايزة تطبق شرع ربنا ودا حاجة كويسة ليها بعد كدا وانا ما اعملهاش اللى هى عاوزاه روحت حسيت كدا ان طالما ابى موافق يبقى ماما مش هيكون ليها كلمة بعديه طبعا فا قالى يا لولو يا حبيبتى لو عايزة تلبسيه خشى جوه شوفى اى نقاب يعجبك والبسيه وانزلى وما تزعليش نفسك طبعا انا فرحت جدا وبقيت طايزة من الفرح بس الحاجة الغلط اللى عملتها ان انا بصيت لماما نظرة كانى انا اللى انتصرت يعنى هههههههههههههه وبعديها قولتله شكرا يا ابى وبوسته ولبست ونزلت ولاقيت صحابى متفاجئيين جدا وما كانوش عارفينى بس لما رفعته عرفونى وكنت فى غاية السعادة والحمد لله انا فى ازهر وحافظه القران الكريم كامل بس المشكلة انى ما بقيتش اراجع السنة دى مش عارفة ليه لو عندك حل قوليلى عليه وربنا يكرمك يارب وادعيلى بالهداية والحمد لله انا ما اترددتش بعد كدا وما زلت فخورة بنقابى وع فكرة يا بنات بجد بجد النقاب لو لبستيه لو جيتى تعملى حاجة غلط هتقولى لا انا هشوه سمعة المنتقبات والنقاب والاسلام فا مش هعملها لو حسيتى انك هتقعى فى غلط هتقولى لا انا منتقبة يبقى ما ينفعش انا قدوة لغيرى فا ياريت ما اسقطش فى نظر حد وبكدة بجد بجد هتحسى بالفخر انك مسلمة وكمان منتقبة وربنا يهدينى ويهديكو واللى فاكرة ان المنتقبات هيعنسو ويتحطو فى قايمة المعنسين كلامهم غلط دا بالعكس الشاب اللى مش كويس هيتكسف ييجى ياخد واحده محترمة زيك وكمان ممكن يحاول يصلح فى نفسه علشان يعرف يتجوزك والمحترم بس هو اللى هييجى الغاية بيتك ويخبط ع الباب وكمان هيبقى ليه الفخر انو يتجوز واحده تبنيله بيت وتربيله عيال وتصونه وتراعيه وتتقى الله فيه وربنا يجعلنا من المتقين يااااااااااااارب البارين بابواينا