[فكري ابراهيم]

( أحنا بنعجن يا مصر ) 36


أحنا بنعجن يامصر ..... أحنا مش فاهمين خلاص . وعقلنا بطل يفكر . وكل شيئ أختلف من القاع والأساس .. كل صورة مشرقة بتظهر بنرسم عليها ألف لوحة من الفساد !!!... حتى الرجولة والكرامة والشجاعة أستخدموها فى سحل البنات !! ناس بنحرق التراث قدام عنينا !!! وناس بتهدم كل شيى بناه أجدادنا لينا !!!.. وناس بتصرخ للحكومة ويقولوا لهم اللى بيموتوا دول ولادنا . دول شبابا . دول مشايخ . دول دكاتره . دول ناس بسيطة وليها مطالب ..أسمعوهم .

فكروا لو مرة واحدة هما ليه سايبين بيويتهم وقاعدين فى الشوارع . وبلاش تدفنوا راسكم دائما وسط الرمال مثل النعام .. زى ناس عايشة فى قصور راكبين همر وفى كل حتة على السواحل ليهم بيوت . خوتوا دماغنا بكدبهم . قال أيه بيفكروا فى الغلابة !!! وإعلام حقير كل يوم بيجيب وشوش متلونة . لا يفرق معاهم الاقتصاد ولا بيفكروا فى أصلاح حال البلد ...

وصحافة فقدت شرفها لما نشرو صور بنت نصف عارية !!.. بتنشروا الخيبة التقيلة من كل زاوية!!! . طب كنتوا فين والعيال بتحرق فى التراث . ولا دى لسا ما ختوش بيها أوامر ؟؟.. بتفرحوا قوى كدا لية وقت الخراب .. طب كنتوا قدمتوا الحكاية كلها لينا وأحنا نحكم ... من خثيث ومين جبان ..


روشتة علاج

السادة القائمين على رعاية البلاد أنتبهوا .. الأمور كل لحظة فى تدهور مستمر لا يصلح معها كل عبارات ضبط النفس ..فقط هو وقت وضع المعايير الاخلاقية السليمة .. وقد وصلنا الأن لتتساوى قوى الخير وقوى الشر فى السرعة والأداء . أنها نقطة الأعودة بكل المقاييس .. فقد تساوى الثورا بالمجرميين . من قام ليحمى التراث بمن قام ليحرقه .أصبح موت البلطجى لا يفرق كثير عن موت المناضل وأطلق عليهم لقب شهيد !!!! وصلنا الى أخر خطوة قبل دخول النفق المظلم ولن يكون هناك فرصة للتراجع . فعجلة الزمن لن تعود أبدا للوراء .. فأنتبهوا ياسادة يرحمنا ويرحكمك الله .

القوات المسلحة :- أعلموا أن صوركم محفورة فى قلوبنا نحن المصرين ولن تهتز لمجرد عمل فردى ونعلم أنكم قادرون على محاسبة المزنب .

الأمن :- أعلموا أن ما حدث تجاهكم فى الفترة الماضية كان نتيجة طبيعية لقهر السنين . الأن يمكنكم رسم صورة واضحة وراسخة فى قلوبنا بأن يتم القبض على كل البلطجية والمخربين وتقديمهم لقضاء عادل ليتم منهم القصاص .

السيد وزير الداخلية :- يجب محاصرة المنطقة الملتهبة الأن والقبض على كل من فيها ولايسمح لأحد بالخروج قبل التعرف عليه حتى لو كان السيد المشير أو رئيس الوزراء. حتى لايمتد لمناطق أخرى وتخرج الأمور عن السيطرة .

السيد وزير الأعلام :- نرجو وقف بث جميع البرامج التى تثير الفتنة فى البلاد .

شباب الثورة الشرفاء أنسحبوا من الميادين فوار .... المخنسين يظهرون فى الأعلام بصفتهم ناشطين وثوريين !!! فحذاء من أوقف عربة الأمن المركزى فى بداية الثورة برقبة ألف من مرتزقة الأعلام والصحفيين ....


مع تحياتى
عصام المسلمى
19 ديسمبر 2011





عصام المسلمى