[أ/رضا عطيه]

ارجو من يتفق معي نشر هذه الرسالة ...كلنا بنحب مصر ونعشق ترابها

بواسطة: مصري مصري مصري
بتاريخ: الأحد، 25 ديسمبر 2011 - 03:21
رسالة من مقاتل مصري :


الى كل من يتهم الجيش المصرى بالخيانة والعمالة وانعدام الوطنية:
أحب أقول للرجال اللى قالت على رجال الجيش إنهم خنازير و يهود و كفرة ..
إن احنا لما ضيعنا أحلى سنين عمرنا بنتدرب و يطلع عينينا وحضراتكم بتصاحبوا و تشربوا و تحششوا وتروحوا حفلات ..
إن احنا لما كان كل سنة يموت واحد أو اتنين فى التدريب (الله يرحمهم)
،، كان حضرتك ايها الثائر العظيم أكبر همك .....
هأقضى اليوم مع صاحبتى ازاىو فين !!
إن احنا لما كنا بنقبض ملاليم و راضيين علشان خاطر البلد دى ، ،
انتوا كنتوا قاعدين ورا مكاتب مكيفة !!
إن احنا لما كنا بنقضى أيام وليالى صيف أو شتا فى اماكن عمركوا ما تتخيلوا انكوا تقعدوا فيها 5 دقائق ،،
كنت انتوا قاعدين تحت البطاطين او التكييفات !!
فما تجوش تشككوا دلوقتى فى وطنيتنا لأن انتوا معرفتوش معنى الوطنية أصلا .
لما نبقى واقفين طول الليالي بنحمي مقدسات البلد دي
وانتوا ف احضان اولادكم وكل يوم الصبح يطلع علينا اطفال وسيدات مالهاش راجل
يقولها ( ماتباتيش في الشارع وتستفزي الجيش اللي بيحمينا )
وشباب بيقولوا على نفسهم ثوار لكنهم فئة مش عايزة تشتغل ولاتبني البلد
تظل تشتم فينا وتهينا بأسوأ الالفاظ
ونبقى مستغربين هو ده المقابل من اهلنا وبرده ماكناش بنرد باللفظ حتى ...
وبرده بنستحمل ونقول ربنا هايهديهم ..
دا احنا لوكنا بنحمي شعب يهودي كانوا عاملونا احسن من كده ......
وكل الي بيحصل ده طبعاعشان الانتخابات فضحت المرتزقة والشباب التافه
اللي بيحاول يعمل لنفسه قيمة بالكلام في السياسة لأنه فاشل في اي حاجة تانية
يبني بيه بلده واظهرت عدم رضاء الناس.......
م الاخر اهنئ 6 ابريل على نجاحهم في توصيلنا لمرحلة الانفجار وايقاعنا فى هذا الكمين المدبر
الشباب المحترم بيشتغل ويحترم نفسه وبيبني بلده انا احترم شاب حرفي في ورشته اكثر من طبيب او مهندس بيعتصم ويدعي انه سلمي ..
ازاي سلمي ويمنع رئيس وزراء من دخول مكتبه .....
فوقوا بأه فوقوا .
واخيرا :
احب اطمن كل مصر ان الجيش المصري في رباط الى يوم الدين
وعمر جيش مصر مانقسم ولاهاينقسم ويثق في قادته وقدوته بالمجلس العسكري
واللي مش عاجبه بلدنا وجيشها يايحترم نفسه ويعيش محترم ومايخربهاش
يا يهاجر منها وينضف البلد من امثاله ..
بس مش هايلاقي بلد هاتسمح له بان يهين جيشها او يرميهم بالمولتوف اويحرق مبانيها ..........
الجيش المصري والمجلس العسكري والشرطة المصرية ( إيد واحدة )
اه ( ايد واحدة ) تحت امر شعب مصر المحترم ...
المحترم ...والمحترم فقط .
..باكررها كلنا خدامين شعب مصر المحترمين وليس البلطجية


لانريد أسياد وعبيد

فالكل من الوزير للغفير خدام شعب مصر

كل الشعب خدم لكل الشعب

ومن يسمون أنفسهم نخب هذا الوطن وكل عملهم هو الإساءة وتوجيه الأوامر لهدا وذاك
وهم فى مكاتبهم المكيفة أوفضائياتهم
أحذرهم سئمناكم وكرهنا طلتكم علينا وإن لم تنتهوا ستكونوا من المنبوذين

نريد الحياة الكريمة

ولاحياة كريمة وأنتم فوق السطح بقوارب فضيه تحميها البلطجية
ونحن فى الغريق لانجد حتى أبسط حقوقنا الإنسانية