مسائل المتفوقين دى فى آخر المعاصر دى يعنى علشان توريك أن الرياضة مش كلها سهلة زى ما أنت متخيل
يعنى سيبهم للمراجعة بعد ما تخلص المنهج ابقى حاول تحلهم
و معرفتش و دة غالباً شوف الحل بتاعهم و افهمه
يعنى اركنهم دلوقتى .. المهم الأسئلة العامة فى الدرس و المعاصر ما شاء الله يعنى مابيفوتش حاجة
لو حليت مسائل كل الدروس هاتبقى لميت بـ 98 % من أفكار الرياضة لأن الأفكار مالهاش حدود
بخصوص الإنجليزى خليك فى سربرايز أينعم أسئلته معظمها أى كلام بس أهو يمشى الحل
أنا معايا توب ستيودنت و بحل منه على فترات و بصراحة الكتاب معقد المنهج زيادة عن اللازم
يعني سربرايز معظم اسئلته اي كلام وتوب ستيودنت معقد طب انا عايزة اعرف انه ملخص بيبقي شامل فيه الامتحان
الفرنساوى خليك مع مدرسك و بس .. صدقنى مادة جميلة بس عاوزة مراجعة مستمرة على الكلمات علشان ماتتنسيش
و القواعد كلها أى كلام باستثناء تكات خفيفة بس مش أكثر
لو انت فاضى جيب برافو و حل فيه
انا فعلا مستمرة مع المدرس بتاعي بس كمان بستخدم برافو في حل الاسئلة لانه مليان بالاسئلة وكلها كويسة
العربى مشكلته أن كل كتاب له ميزة عن التانى .. الرسالة أنا شايف أنه فوق فوق فوق فوق الممتاز فى معانى الكلمات .. بصراحة مجمل كله .. بس حفظها منه بياخد وقت
فخليك مع الأضواء و احفظ معانى الكلمات منه و بعدين قلب فى معانى كلمات الرسالة و علم على الغريب و الجديد لأن فيه حاجات فى منتهى الجمال
القراءة الأثنين حلوين .. النصوص الرسالة أقوى فى الشرح بس التعليق الى على النص مهمله تماماً مجرد كلمات وجيزة غير مهمة
فذاكر التعليق من الأضواء و يفضل من مذكرة المدرس
الأدب الأضواء بيطلع برة المنهج و ضاااااااااااااااااااايع أوعى تذاكر الأدب منه
احفظه من مذكرة المدرس أو كتاب المدرس لو ضاقت بك الكتب و بعدين شوف الأسئلة الى فى الرسالة لأنه عامل الأدب سؤال و وجواب حلو جداً
البلاغة كل الكتب أى كلام فى الفرع دة .. خليك مع المدرس
و النحو المدرس برضة
و طبعاً كتاب الامتحان لازم علشان أسئلته بس يبقى مع مدرس بيصحح لازم
و هو جايب أسئلة الدليل