[راغب السيد رويه]

خد لك حلم
لسه حنحلم تانى
ونرسم بكرة اللى مابيجيش
حتعيش إزاى من غير أحلام؟
بتبيع الحلم بكام
والذكرى الحلوه بكام والمرة بكام ؟
والشارع ساكت ليه
متبعتر فيه أوجاع
والبرد عساكر.. ومشانق تلج
والريح بتمرجح أجدع قلب
تعرف ليه ؟
لما حا تحلم وتحاول تخرج بره الدايره
والكلمة تبقى رغيف
أوسيف
أو تبقى حصان
تركبه وتدوس ع الخوف
حتعرف ليه
وحتعرف ليه الصمت ساعات بينجى
وساعات بيكون بدايات زلزال
واختار.............
تحلم ولا تبيع أحلام