[صفــاء الروح]

حاولى تعملى حاجة جديدة..اخرجى مع أهلك أو مع أصحابك..خدى ريست ليوم واحد بس..بعدين قولى لنفسك أنك هتبدأى من جديد

أنا بردو تالتة ثانوى..بس انا مشكلتى مش فى أنى مش عايزة أذاكر لأ أنا عايزة أذاكر وعايزة أجيب مجموع عالى..بس حاسة أنى لوحدى فى الطريق..بمعنى أن محدش مهتم أنى أجيب مجموع عالى أو لأ..بل بالعكس فى ناس عايزة تشفونى وأنا بندم على اختياري عشان مختارش حاجة بنفسي بعد كدا..بذاكر وكل حاجة ولما ببقى مش عايزة أذاكر..مبذاكرش حتى لو هقد يوم كامل مذاكرش وبعدين وأنا راجعة من الدرس باخدها مشي وعلى أقل من مهلى وممكن أقف أتفرج على المحلات وممكن آكل أيس كريم مع صحبتى لو معايا..وبرجع البيت أفضل أقول لنفسي أنى هذاكر كويس وهجيب مجموع عااالى وأكيد لازم نستعين بربنا لأن من غير توفيق ربنا يبقى أحنا مبنعملش حااجة

فكري أن عندك هدف وعندك طموح..طموحك هو البنزين اللى يخليكي تشتغلى وتذاكري..واستمتعى بردو بحياتك لأنك مش هتقعدى تذاكري 24 ساعة يعنى لكن المهم تنظمى وقتك وتكونى حريصة عليه

متقلقيش إن شاء اللله هتجيبي المجموع اللى أنت عيزاه وتدخلى الكلية اللى نفسك فيها..بس اشتغلى كويس..عدوك هو الملل افتكري كدا كويس