تطورات الوضع النهاردة :
فعلا قام العديد من المعاهد بالالتزام بالاضراب على مستوى منطقة الجيزة وفعلا جاء إلى معهدنا مفتشين من تفتيش صلاح ابو اسماعيل
هما الاستاذ نصار أحمد نصار والاستاذ رشاد
للاسف الاستاذ نصار هذا أنا لا أعرفه أو التقيه أبدا ولكنه كان غليظا جدا فى اسلوبه فى الكلام واحتوى الكلام على التهديد والوعيد بل انه تطاول بالالفاظ على بعض المدرسين بلا سبب وعلى المعاهد الاخرى أيضا...وعلل الموقف بإنه الموظفين فى المنطقة فعلا لا يفهمون المنشور الوارد اليهم من المشيخة وان المشكلة ستحل عاجلا جدا وطلب من مناديب الصرف التوجه الى المنطقة غدا لإصلاح الخطأ والصرف طبقا للمنشور وقام بالاتصال بالشيخ صلاح امامنا محاولا استرضاءنا مرة وبالتهديد والصوت العالى مرة فى أسلوب سىء جدا.
ولكن الحمد لله بالبلدى كده ( احنا ماسكتنالوش) للاسف بقينا خبرة فى الحوارات بتاعتهم دى..هيحاولو المماطلة وكسب الوقت وفى الاخر مافيش حاجة هتحصل
قام العديد من أولياء الأمور بالاتصال بالمنطقة لأبلاغهم بالاضراب وسرعة حل المشكلة علشان الامتحانات تعدى على خير وللاسف مرة تانية كان رد المنطقة تحريض أولياء الامور مباشرة بالتوجه الى المعاهد وضرب المدرسين...والله لو معايا تسجيل للمكالمة دى كنت بلغت عنهم بتهمة تعريض حياتنا للخطر..
قمنا بإبلاغ زميل يعمل بجريدة الجمهورية ووعدنا بنشر الموضوع
اخر الاخبار ما نشرته جريدة المساء
200 ألف بالأزهر.. يصرفون "حافز الأداء" بأثر رجعي.. خلال ساعات
أرجو من جميع الأخوة الثبات على موقفهم وعدم الرضوخ لتهديد ووعيد هؤلاء الظلمة الجهلة...وإن غدا لناظره قريب وهنشوف ايه اللى هيحصل لكن احنا مصرين على موقفنا حتى نفهم راسنا من رجلينا حتى لو تأجلت الامتحانات
__________________________________________________ _
أرجو من الأخوة الأفاضل فى الواحات ومعهد وردان إبلاغنا بالتفاصيل التى حدثت اليوم
وإن شاء الله بكرة لو فى جديد هبلغكم
|