[المشتاقة لرضا الله]

المشاركة الأصلية كتبت بواسطة dr.mohamed taha

أمين يارب ربنا يوفقك وتدخلي هندسة وتبقي شاطرة كمان

أنا بس هقولك حاجه
أنا جيت في شهر 5 اللي فات قبل الإمتحان بشهر واتمنيت ان الزمن يرجع بيا تاني ولا اني أضيع ثانية
بجد والله مش هتحسي بكلامي الا لما تجربي
انتي معاكي وقت كاااااااااااااااافي كتير جداً
أولاً :عدم معصية الله في أي أمر ولازم اول حاجه نفكر فيها قبل المذاكرة وقبل أي حاجه هي الفرائض اللي فرضها علينا
ثانيا: التركيز في المادة نفسها واللي مطلوب مني أعمله وبس
ثالثاً المراجعة باستمرار على المادة كل اسبوع مراجعة شاملة على ماتم دراسته في ال6 أيام
تهتمي بحاجات معينه في المواد تكوني عارفاها حتى بعيداً عن المحتوى نفسه
أنا ليه بذاكر انجليزي ؟
أه عشان انا هحتاجة في حياتي كتيييييييييييير وخلي بالك منه لأنه معاناه والله في الكلية في الأول
القصة تعرفيها كلها من أولها لاخرها مع نفسك وبتسلسل الأحداث مفيش حاجه اسمها شابتر 1 أو 2 أو 3 لأ اسمها قصة القناع الذهبي كللها
وكذلك قصة الأيام السوداء بتاعت عمو طه حسين اللي جابلي اكتئاب ده
الشعر عايزك تعيشي مع الشعر ده بجد روعة (مطران وهو قاعد على الصخرة بئه وعمال يفتكر الأيام بتاعته ) جربي كده ومش هتندمي
علم النفس دا مسابقة الحفظ الأولى على مستوى العالم خلينا نكون صادقين احفظيه كويس
الفزييا والرياضة قولتلك افهميهم كويس وانا مع حضرتك في أي موضوع فيهم

ربنا يكرمك يا باشمهندس يارب يوفقك فى حياتك امين يارب
وبرضو يارب ابقى زيك