[رحييق]

السلا عليكم ورحمة الله وبركاته
المواقف كتيرة ولكن الموقف الذي أتذكره حاليا هو : أنني كنت متميزة في دراستي دائما وكان نفسي ادخل صيدلة وأكون أستاذ جامعي فيها ولكن لم يقدر لي الله ذلك

أحبطت كثيرا لدرجة ان مش عارفه انا هروح الكلية ليه وعشان ايه ولا اعرف طعم أي شيءولكن بقربي من الله وتشجيع أهلي وكل أحبابي وخاصة والدتي قالت لي جملة دائما اسمع رنينها في أذني" اللي عايز يثبت نفسه يثبتها ف أي مكان يوجد فيه وقدامك جامعتك اثبتي نفسك "المهم دخلت الكلية واجتهت وكنت من الأوائل

ووأنا في سنة ثالثة ربنا رزقني بتقدير مقبول في مادة ما في التيرم الأول وكل المواد اعلى تقدير عند كل دكتور

بعض الدكاترة بيباركولي ع النتيجة وبيسألوني طلعت الكام في التيرم دا قولتلم معرفش إنا جيبت مقبول ف مادةاندهشوا ومنهم دكتور تولى الأمر وعرف إن لي درجات في الكنترول وكلم معايا دكتور المادة لكن غضب كثيرا وقلب الموضوع وطلب منى اقدم طلب رسمي بيقولها بأسلوب وحشالمهم الدكتور اللى كان واقف معايا جاء تاني يوم وقالي بلاش تقدمي الطلب واحمدي ربنا انها مادة واحدة مقبول وعوضي في المواد اللي جايه
طبعا احساسي وقتها لا يوصف وربنا وحده الأعلم بي المهم سكت ولكن غصب عني طبعا وعلى أمل آخر السنة تتعدل النتيجة وطبعا لا ينصر طالب على أستاذ !!واجتهت اكتر حتى اجصل على امتياز واثبت للكل ان مظلومة وورق إجابتي الدليل وكنت اجاوب بنظام وتوثيق مراجع وحتى بعض الدكاترة اعترفوا بذلك وقالوا ان فيه معيدين لا يستطيعوا الإجابة هكذا وكان فيه مواد أنا الوحيدة اللى كنت بجيب فيها امتيازالمهم طلعت النتيجة في التيرم التاني كلها اتدمرت ! كان ماسك الكنترول سنتهاكنت هموت فيها وتعبت وحلفت مش هروح الكلية تاني لأن كدا اتدمرت في التقدير والترتيب

وكنت أولا مرة أعرف إن البشر أنواع ومش كل حد يبتسم في وجهك يبقى بيحبك !! وفعلا فضلت طول الاجازة وبعد الدراسة بشهر مش بروح وقافلة موبايلي ومش بقابل حد فيه دكاترة بعتولي صحباتي اكتر من مرة لأنهم مش عارفين يوصلولي المهم عملوا موقف عشان اوروح وصدقته ورحت اليوم دا
الدكاترة قعدوا يشجعوني والدكتور اللي كان واقف معايا قال لي مجموعة نصائح عمري ما أنساها منها جملة لا تنظري خلفك حتى لا تتعبك رقبتكوكفاية إن الكل بيشهدلك إن طالبة ممتازة أخلاقيا وعلميا وفعلا كان قدوة لأي طالب علم طموح
المهم فضل ورايا لما روحت وكملت سنة رابعة وتميزت كالعادة ولكن نفس الدكتور فضل حاطتني في دماغهواي مادة يدرسهالي لا أزيد عن جيد ولولا الملامة يشيلني المادةمع انه أعطى امتيازات وجيد جدا لناس والله سايبين اسئلة كتير من غير اجابة !! بس وسايط بقى والكوسة !!

المهم بفضل من الله والناس اللي الجميلة اللي بيبعتهم لي غيروا في كتير وتركوا بصمات جميلة

والحمد لله اخدت تمهيدي ماجستير ودبلومة عامة في التربية وسنة خدمة عامة (في سنة واحدة) وسجلت ماجستير على طول في يونيو الماضي موضوعي ما شاء الله الكل بيحسدني عليه

وأحب أوضح إن الإنسان اللي عاوز يكون حاجة عمر ما حاجة تقف قدامه ولا يعرف طريق الفشلواللي عنده إرادة وطموح وقريب من ربنا دائما في تميز ونجاح وربنا يحمينا من عيون البشر ويشغل كل حقود في نفسه

شكرا على الموضوع
تقبل تحياتي