اقتباس:
المشاركة الأصلية كتبت بواسطة فاطمة الزهراء 86
السلام عليكم ورحمة الله وبركاته
الحمد لله بفضل الله تعالي استلمت جواب الترشيح لوظيفة أخصائي تعليم بمديرية التربية والتعليم وهذا ما كنت أتمنيه من الله . وإنني أتوجه بخالص الشكر والتقدير للدكتور الفاضل / عبد الرحمن المنياوي حيث أراحتنا كثير في الفترة الماضية وعلى ما بذلت من جهد وتحملت من مشقة جعلها الله في موازين حسناتك .، وصدق الله إذ يقول { هل جزاء الاحسان الا الاحسان }
معلش يا دكتور عبد الرحمن لي استفسار بسيط :
انا توجهت اليوم إلى مديرية التربية والتعليم عشان اقدم الورق المكتوب في الجواب فذهبت إلى شئون عاملين ولقيت واحدة قالت لي هاتي صورة من جواب الترشيح فقط ومضت عليه وقالت لي توجهي إلى قسم التعيينات وذهبت بالفعل لقسم التعيينات والموظفة هناك أخذته مني وقالت لي تعالي يوم 21/1 وأسئلي قلت لها هو التعيين هيبقى المفروض امتي قالت ابقى تعالي أسئلي يوم 22 أو 23 .
دلوقتي انا مش عارفة ليه الناس عاملة كده واحنا مش عارفين احنا رايحين على فين وبعدين قلت لها التوزيع هيتم إزاي وخصوصا ان الجواب مفيش فيه السكن ولا التخصص قالت لي التوزيع هيتم على التوجيه وهما بقا هيشوفوا أماكن العجز وهما هيبقوا يوزعوكوا طيب فين التمييز بقا لينا احنا الأوائل دلوقتي يعني هما ممكن يوزعونا على القرى والضواحي واللي هي بعيدة جدا من السكن وذهبت إلى توجيه اللغة الإنجليزية ولقيت واحد هناك مش عارفه هو موجه ولا ايه بس والله شكله كده موجه وقلتله هو التوزيع هيكون على أساس إيه قال لي يا بنتي مفيش حاجة من دي خالص ومفيش تعيينات فقلت له إزاي واحنا مستلمين جواب الترشيح قال لي بعدين بعدين .
والله يا جماعة مصر هتفضل مصر فيها ناس بيعقدوا الأمور وفي نفس الوقت بيطالبوا بالإصلاح طيب إزاي الإصلاح وإحنا نفوسنا تعبانه المفروض والله كل واحد يصلح من نفسه عشان نلاقي الصلاح في البلد . يا ريت يا دكتور عبد الرحمن توضح لي الإجراءات هتم إزاي وهما هيعملوا فينا إيه وخصوصا إن مفيش حد عارف حاجة وهل ده صح منهم إنهم اخذوا مني صورة الجواب وقالوا لي أسئلي بعد كده .
معلش على الإطاله بس يا ريت كل من توجه إلى مديرية التربية والتعليم في أي محافظة يقولنا هما عملوا إيه وهيتم التوزيع إزاي وهل في حد هنا من دمياط .
|
استاذة فاطمة ... مبروك ع التعيين وفرحانلك انك جالك اللي بتتمنيه
وعاوز اقولك على حاجة .. سيبك من كلام اي حد .. %90 من الناس ماتعرفش حاجة وغاوية فتي وتعقيد
الفترة اللي فاتت دي انا شوفت العجب في الفتي بصراحة بس كنت بحكم عقلي
وكنت بقولكم يا جماعت ماتاخدوش بكلام اي حد وتعقدوا نفسكم ع الفاضي
وسمعت كلام كتير بنفسي بس مشغلتش بالي خالص
والدكتور عبد الرحمن ياما قالكم التعيين أكيد %100 ومحدش يسمع لحد
هي مسألة وقت مش اكتر كدة كدة هتتعيني ان شاء الله
فيه ناس اتعينت على طول زيي وفيه ناس هتاخد وقت وبردو هتتعين
ده على حسب الهيئات الحكومية ونظامها ومدى احتياجها
بس كله هيتعين ان شاء الله عاجلاً أم آجلاً
__________________
ضاقت فلما استحكمت حلقاتها ... فرجت وكنت أظنها لا تفرج
ــــــــــــــــــــــــــــــــــــــــــــــ
مش قولتلكوا ؟؟ كلها مسألة وقت ؟؟
الحمد لله
|