بسم الله الرحمن الرحيم
اولا فعلا زي ما بلاك دوف قالتلك لازم تراجع كيميا اعدادي كويس اوي و بما انه مافيش وقت كبير و على المعادلة لتكوين النشادر
عنصر النيتروجين N عدده الذري 7 ( عدد البروتونات الموجبة بنواته = 7 ) و دا معناه ان عدد الكتروناته ( سالبة ) = 7
وعلى ذلك هيكون توزيعه الالكتروني في مستويات الطاقة الرئيسية (K = 2 , L = 5 ) و K هو المستوى الاول و L هو المستوى الثاني ولو تلاحظ هتلاقي ان المستوى التاني غير مكتمل و بالتالي الذرة هتكون نشطة و ليست ( غير مستقرة ) و بالادق و بالبلدي كدة هتدور على اي الكترونات تكمل بيها مستواها التاني دا و دا عن طريق انها تشارك بعمل رابطة تساهمية مع عنصر الهيدروجين الذي يمتلك الكترون واحد فقط و طبعا هترتبط ب 3 ذرات من الهيدروجين
او
انها في غاز النيتروجين N2 ذرة نيتروجين ارتبطت بذرة نيتروجين اخرى برابطة تساهمية ثلاثية ( اي بمشاركة كلا منهم ب 3 الكترونات )
و في حالة التفاعل
NH3 < ــــــ شرارة كهربية ــــــ N2 + H2
و تبعا لقانون بقاء المادة ( المادة لا تفنى و لا تستحدث من عدم ) فلابد من ان يكون عدد الذرات الداخلة في التفاعل يساوي عدد الذرات الناتجة عن التفاعل ( و دا الكلام في اعدادي )
اما الان و في ثانوي فلازم نقول االاصح و هو ان ( عدد المولات الداخلة في التفاعل يساوي عدد المولات الناتجة منه )
و عشان نوزن المعادلة هتكون كالآتي:
2NH3 < ــــــ شرارة كهربية ــــــ N2 + 3H2
الارقام اللي بتبقى قبل الرموز دي عدد المولات
اما اللي بعد كل رمز دي عدد مولات العنصر في الجزئ الواحد ( او بالبلدي بردو و على اعدادي يبقى عدد ذرات العنصر في الجزئ الواحد )
بالنسبة للالومنيوم طبعا مكتوب Al فقط لانه معدن او فلز يعني و كل المعادن تكتب احادية الذرة لكن لما تروحو المرحلة الاولى من الثانوية و اللي هياخد كيميا هيبقى يعرف ان الفلزات بتعمل رابطة كيميائية بين ذراتها اسمها الرابطة الفلزية يعني بردو من الصعب جدا نقول انها مفردة الذرة ولكن مبدئيا اننا نظريا طبعا بنكتبها مفردة لان المول الواحد من اي معدن يحتوي عدد افوجادرو من الذرات لهذا العنصر يعني مستحيل طبعا نقول ان اي معدن احادي الذرة ولكن تكتب Al هذا معناه انه مول واحد فقط من الالومنيوم و ليست ذرة واحدة منه
|