بصراحة في حاجة كنت ببقى متضايقة منها لما ادخل المنتدى . كل مادخل الاقي اسماء لبعض الاعضاء والاسماء مفيهاش تفاؤل خالص . والغريب ان كل واحد منهم عنده حلم عاوز يحققه .
وانا بصراحة شايفة ان ده في تناقد ازاي هو او هي حزين وفي نفس الوقت نفسه يحقق حلم وهدف . انا مثلا لما ببقى حزينة ببقى مش بحلم بحاجة خلص غير اني انتهي من الحياة . وبعدين لما ببقى سعيدة بقول انا نفسي في كذا.
ايه رايكوا في كلامي بتكلم صح ولا غلط ؟
انا مثلا مثال قدامكم عندي احلام كتير عاوزة احققها و منها اني ادخل كلية الطب - ادعولي- وعشان كده اخترت اسم ( الحالمة ) .
ايه رايكوا تشاركوني في الحملة دي ولا لأ ؟ . براحتكوا خالص انا مش بزعل ( اختلاف الراي لا يفسد للود قضية ) .
ويا ريت اللي هيشاركني يغير اسمه فورا وبدون تردد.
فالسعادة سر الحياة و اضحك للدنيا تضحكلك وكشرلها تكشرلك