[رضا عبد الحميد عبد الرازق]

المشاركة الأصلية كتبت بواسطة teacher_2

امتحانات الجمهورية اصبحت روتين ومكرره
والمقررات فى زيادة
ومستويات اغلب الطلبة فى تناقص
وده بيخلى المدرس بيحفظه الطريقة
وكل ثغرات المقرر
والله الشغل داخل الفصل
زى شغل الدرس بالظبط
الفرق الوحيد
ان فى المدرسة شغال وخلفك قيود
ولكن فى الدرس شغال حسب احتياجات الطالب
تعالى شوف الطلبة المتميزين فى اولى ثانوى بأكاديمية زويل
طبعا دول خلاصة اعدادى مصر كلها
بيشتكو من الدكاترة اللى بيشرحولهم فى الأكاديمية
وعاوزين ياخدو دروس
تخيل ان دى تعتبر كارثة فعلا
لان المقرر بتاعهم فى اولى ثانوى هو هو اللى كنا بنشرحه فى المقرر القديم
وزود عليه شوية من الشرق وشوية من الغرب
وبقى مقرر زى كتاب المدرسة
بالظبط ولكن أكروبات فقط
تخيل خلاصة طلاب الجمهورية
مش قادرين يتعايشو مع دكاترة بيشرحو لهم فى أعلى مستوى ممكن يوصلو له
كل ده بسبب الدروس
النقطة الثانية
الخبرة بتيجى بالممارسة
سواء بمدرسة او مركز اودرس خاص
أولا محدش يقدر يحكم على مستواه
واحتكاك معلم المدرسة
بزملائه على الأقل وقت التصحيح
أكيد بيتم تبادل خبرات بينهم
هناك من يبحث وهناك من لا يهتم
لكن لوحدك وبدون تبادل خبرات
لن تتحرك خطوة للأمام
مع احترامنا لاحتهادك
المعلم أول سنة بيشتغل دروس بيستشعر انه ملك المادةوانا جربت الإحساس ده من سنين
وتانى سنة بيحس انه اكتشف انه كان غلط
وان هناك معلومات يجهلها
وتالت سنة بيحس ان المعلومات اللى عرفها مش كفاية وانه محتاج يدور اكتر
ولما يزيد ويجتهد ويبحث
يحس انه ميعرفش اى حاجه
ومحتاج عمر تانى عشان يعرف

ياترى انت فى سنة كام دلوقتى ؟

ربنا يبارك فى حضرتك كله تبع حب المدرس للمادة ومدى إطلاعه