[Ahmed_Alex1]

شكرا جدااااااا على ردودكم

المشاركة الأصلية كتبت بواسطة arabianpda

مين قال الكليه صعبه؟!
مش صعبه بل تافهه وعشان تجيب امتياز هتجيبه بمجهود اقل بكتير م الثانوي !

الفكره هيا في القبول بمعني انا همشي معاك واحده واحده كده

انا طالب خلصت ثانويه عامه عايز اعيش بقي عايز اشوف حياتي عايز اقعد ع الكافيتيريا بتاعت الكليه واخرج ووو "فاهمني"
مشكله طالب طب بالذات كم الكبت الي بيبقي عنده كبير اووووي وللاسف اغلبيه كاسحه
هتقع وتفشي غليلها ف الكبت ده في سنه اولي
طب وايه المشكله؟

عندنا في طب المجموع تراكمي من سنه اولي ل6 ككل 6350 درجه
منهم 800 ف اولي
ففيه ناس لو اولي باظت منهم بسبب ما ذكر سابقاً هتكملها بوظان "مهي باظت"

فيه ناس العكس خالص بتذاكر وشغاله شغل الله ينور بس بتذاكر غلط
يعني عايز يحفظ مثلا التشريح بالحرف والكلمه والسحتوت!
مستحيل عقل بشري يحفظ حاجه زي التشريح واتحدي
فالنتيجه بيهيس يا مبيلحقش يراجع ويقع!

فيه ناس تالته داخله بايظه اصلاً !

علي النقيض تماماً فيه ناس داخله عارفه مستقبلها وانه عايز يتعين ولو وقع بيثابر
ودول بيكملوا كويس اوي ويارب اكون منهم

فيه ناس رابعه مش حابه الكليه اصلاً
طب دخلاها ليه؟
انت جايب 99 ولا 99.5 طبيعي التفكير الابوي هيروح علي طب بشري
وضغط عليك وانتهت وتبقي لبست

بيكملوا ليه؟
فيه ناس بتكمل بسبب اهلها وفيه ناس بتكمل عشان منظرها





اتمني اكون افدتك

ردك جميل جدا ومفصل اوى وفادني يا دكتور
بس معلش سؤال تانى وانا عارف انى كترت
هو بعد ال6 وواحدة امتياز دول بيكون طالب طب اللى بقى دكتور خلاص حياته حلوة وكدة يعنى ولا بيتشحطط برضه وبيقبض 280 جنيه ولو اتشحطط بيتشحطط كام سنة يعني

شكرا يا كبير