[نورة أ]

انا من عشاق السينيما الايرانية وزى ما بعض الاعضاء يعرفوا حلمى هو تقديم النوع ده من السينيما بمصر
المهم عرضت ع صديقتى فيلم ايرانى حتى تشاهده فكان ردها .............
"ايرانى دول شيعة بيسبوا الصحابة وبيدعوا ان سيدنا على كان هو المقصود بالرسالة استغفر الله العظيم
لأ وعايزين يمتلكوا سلا ح نووى علشان يغزونا ده غير ان هدف افلامهم نشر المذهب الشيعى"
انا شخصيا اختلف مع الكلام ده من حيث مقصده
بمعنى..............
* كونهم شيعة شئ يخصهم ع رغم ان الكلام ده لا ينطبق ع كل الشيعة
* السلاح النووى اما يمنح للكل واما يمنع من الكل
* افلامهم اكيد مفعمة بالفكر الشيعى وبرده اكيد من ضمن اهدافهم نشر مذهبهم زى اى شخص مقتنع بمذهب
بيكون حابب ينشره
واحنا نقدر نشوف ونحكم
ويكفى اقول ان فيلم زى " صبغة الله "وهو فيلم روحه وفكره اسلامى
الا انه نال استحسان نقاد من الغرب لان كل واحد منهم قدر يشوف الفيلم من منظوره

* ليه مبنطبقش الكلام ده ع الافلام الاجنبية

انا عايزة اسمع اراءكم

ودى دعوة منى للجميع شوفوا الافلام الايرانية واحكموا
ولا تنسوا تدعولى