[أ/رضا عطيه]

المشاركة الأصلية كتبت بواسطة طالب الفردوس

أضحكتنا بهذا الخبر ، أضحك الله سنك أخى الكريم

لأول مرة نختلف فى المشاعر

مع أنى تأثرت كثيرا بهذا الخبر

وشعرت إن الناس دى مننا بجد

ناس شعبية من بلدنا ويمكن من شارعنا

ناس عايشه فى مكان ميلادها

وليس كما سبق كانوا لايأتون إلينا إلا وقت الإنتخابات لأنهم يقطنون القاهرة الكبرى

وان انتهت الإنتخابات ضيع العنوان وانسى كل الوعود واللى كان


خليهم يترُّوا على قلبهم بالمشروب الشعبى الأول فى مصر وسط هذا الجدل والحوارات الساخنة والأحقاد الدفينة

أنا لو مكانهم كنت أخدت معايا لبشة قصب وقفص برتقال

بس علشان أبلع عجرفة عبود وحمزاوى
والفخرانى وأبو الحمد والنجار والشوبكى

اللى حوارهم هذا بيفكرنى بيوم مانقلت من مدرسة لمدرسة أخرى وراح زميل لى اشتكانى فى الإدارة

وعند المقارنة بينى وبينه فى كل شىء وجدونى أنا الأكبر سنا منه ولذلك كنت الأحق

فأخذ يردد وأنا ذنبى إيه أبويا هوالسبب وضيًّع حقى


هؤلاء أيضا يتباكون على أقليتهم فى المجلس ويعتصرون ألما على ذلك


وبكره يخرج واحد منهم يردد


منه لله الشعب اللى ضيًّع حقى



شكرا جزيلا أستاذ محمود


وما أحلى الكتابة مع نغمات صوت قطرات المطر الذى لم ينقطع من بعد المغرب