[أينشتاين]

السلام عليكم
أنا فتاه عندى 15 سنة .أنا كنت مش بصلى بانتظام وكنت بلبس وحش و.....إلخ.
فتحت مواقع اسلامية على النت والحمد لله بقيت بصلى وشوية شوية فكرة النقاب بدأت تزن على دماغى قلت لماما ولبابا بطريقة غير مباشرة يعنى عبرت عن حبى للنقاب وبعدها بشهرين تلاتة وانا راجعة من المدرسة رحت عديت على محل يبيع النقاب واشتريت واحد واشتريت طرح طويلة وقلت هلتزم . بعدها كلمت بابا وماما وحاولت اقنع فيهم لكن رفض تام هما عاديين ومش ملتزمين بس جواهم إيمان كبير خصوصا بابا إيمانه وعقيدته قويتين جدا لكن مش ملتزم حاولت تانى وبابا قلى تعالى اقعدى معى وقعد يكلمنى وتخيلوا اقنعنى إن النقاب مش من الاسلام أصلا بعد كدة الفكرة رجعن نلعب فى دماغى تانى وبقيت فعلا متحيرة هل النقاب فرض أم فضيلة أم مش من الاسلام أصلا . يابنات أنا هتجنن . بس أن مشكلتى أكبر من النقاب .معلش هطول عليكوا بس أنا فعلا نفسى أكلم حد فى الموضوع ده من زمان .أنا بحب العلم جدا وبقرأ النظريات العلمية وكدة ومع الأسف العلماء الى بقرأ لهم ملحدين زى أينشتين (هو مؤمن بإله الطبيعة) وزى ستيفن هوكينج .... المهم أحيانا كتيرة بقعد أفكر ليه الناس دى كفروا لكن الحمد لله بلاقى الدلائل الواضحة على وجود الله وعلى الإسلام ملقتش ولادليل ضد الإسلام ولقيت مليون دليل مع الإسلام لكن كل شوية الشيطان بيوسوسلى .أنا بصلى والحمد لله بس مش بحس فى الصلاة إن ربنا معايا وكأن ربنا غاضب عليا يمكن من إنى كنت بشك فى دينى نفسى أحس إن أنا بكلم ربنا وأنا بصلى بس ..... المهم دلوقتى لما باجى افكر فى النقاب بقول مش لما تصلحى إيمانك الأول مش لما يتقبل الله صلواتك مش لما تحسى بالإيمان ..... بقول لو لبستى النقاب هيبقى رياء بس لأنك من جواكى مش قوية الإيمان ...أنا لا أشعر بأن الله معى وكأن الله غاضب على أنا ضعيفة الإيمان . أنا عندى كلام كتير أوى بجد نفسى أقوله أنا عندى مشكلة حقيقة خايفة لأكون كدة مش مؤمنة بجد مش مسلمة بجد خايفة لوساوس الشيطان وشكوكى تخلينى أكون كافرة فإزاى البس النقاب وانا لسة مش مؤمنة بجد؟؟

أرجوكى ياغيورة على الإسلام ساعدينى