الكل ف التحرير و العاركة منصوبة
و البايع السريح يلحق له سبوبة
و اللي ماسك شومة و اللي ماسك طوبة!!!
دي خناقة يا اخوانا و لا دي فرنة عيش؟؟؟
خلص الخبيز منها و فاضل لنا التلطيش
حبة يقولوا اخوان حبة أنا سلفي حبة دي مدنية
أظهر لهم أسفي.....
حبة مع العسكر ... حبة بتتمختر
و تقولي ياعسكر
امشي بقى و ارحل...
و انا ف الزحام بينهم... قاعد كما الأهبل!!!!
يا اخوانا أنا مصري .. مصري من التحرير
لابس علم مصري .. و بنادي بالتغيير
مش ناقص النعرة و لا رفعة المناخير
نفسي ف ناس عايشة لسة ف قلوبهم خير
فلاح بيتوضا بجناين الفضة!!!
جندي قاعد حارس .. جندي قاعد فارس
لا سياسي و لا حاكم لا محامي ولا ظالم
و بينهب الملايين و بينصر الملاعين و يحارب التطوير"
|