زملكاوى انا واخويا اهلاوى..نزل عشان يروح الماتش ويرجع
انا اخويا نزل علشان يشجع..الاهلى وراح فى جروب اتجمع
وهو نازل ابتسملى ابتسامة..وقال شوفنى ع الشاشة وانا برفع
علم حبيبى وبهتف بأسمه و..اقول الاهلى عالى عمره مايركع
هشجع فريقى واحترم غيره..ماانا قدوة لغيرى وكلامى بيسمع
بدأ الماتش وانا مش مرتاح..وفجأة كدة لقيت عين امى بتدمع
لقيت امى بتقول كلم اخوك..اتصلت بيه بس رقمه مش بيجمع
زاد قلق امى وقلقى انا زاد..خلص الماتش وشفنا منظر مفزع
جمهور زى التتار بيجرى ..ناحية اخويا وكأنه ف ايده مدفع
ده اللى فى ايده راية بيـ ..شجع بيها فريقه بس ومين بيسمع
شفت اخويا بيجرى وفى ..ايده راية الاهلى وقلب امه متقطع
بتقول يارب ابنى حبيبى.. رجعهولى سالم لبي طلبى ماتمنع
رقم غريب اتصل وقالى.. اخوك ماسك رايته وروحه بتطلع
سمعت انا صوته بيقولى.. وصيتى بلاش تعصب وابقى امنع
امى تبكى وقولها تفرح .. انا ميت شهيد يعنى مفيش الام توجع
|