موضوع ممتاز
اولاً : نتفق ان منهج الثانوية العامة الاعتماد علي الفهم كافي لكنه مش وافي .... يعني مش هيخليك من الاوائل
ثانيا: عشان تنجح بتفوق هتحتاج ... اول حاجة انك تحب المادة ( او متكرههاش علي الاقل )
تاني حاجة ان يبقي معاك استاذ يبسط مش يعقد عشان متحسش انها هم كبير في مذاكرتها عليك
ثالثاً: تبقي بتذاكر !!
المذاكرة ليها اساليب و محدش بيذاكر زي التاني ... انا ليا واحد صاحبي كيفه ودماغه يذاكر مادتين او 3 مواد مع بعض
و محدش يسألني ازاي
في ناس ممكن تعتمد علي اني اقرأ الدرس و افهمه كذا مرة
و اعيد عليه مثلاً مرتين او تلاتة و احل واها علي طول هيتحفظ
من غير ما اقعد اجيب ورقة و قلم و الكلام ده
و في ناس تانية تقري الدرس مرة واحدة و تكتب القوانين في ورقة قدامها و تبدأ تحل علي طول (انا كده )
و في ناس تانية تمسك الدرس تفليه حفظ و تعيد كلمة كلمة لغاية ما تتحفظ و دول كتير
وكل شيخ و ليه طريقة ... المهم تختار الوقت اللي يريحك
في ناس لما بيجي عليها وقت الامتحان بتموت من القلق و بتتوتر و بيحصلها حاجات غريبة
فدول لازم يدخلوا في اكتر من تجربة لجو الامتحان نفسه
و حل الامتحانات القديمة مش مجدي اوي لكن حل كتاب المدرسةو دليل التقويم اهم بكتير من اي حلول تانية
لان دول غالباً مصدر اي امتحان
اللي هيفهم المنهج هينجح زي ما قلت
لكن عذراً.... دي بلد الحفّيظة