[osamaabdsalam]

المشاركة الأصلية كتبت بواسطة mrefo1212

انا خريجة تربية شعبة تعليم ابتدائى واتعينت مدرسة اعدادى مع ان عقدى الاساسى مدرسة ابتدائى واشتغلت 3 شهور وبعدين اخدت 4 سنين رعاية طفل وبعدين اخدت اجازة مرافقة زوج لمدة 4 سنين
ورجعت اشتغلت شهرين فى نفس المدرسة الاعدادى وتعبت فاخدت رعاية مسن لمدة سنة
ورجعت بعدها لنفس المدرسة واشتغلت شهرين واخدت رعاية مسن سنة كمان
وبعدين رجعت الشغل لمدرسة تجريبى شهور الصيف بس وفى الدراسة انتدبت لمحافظة تانية وروحت بعد لف ودوران ومشاوير ووجع قلب واتعينت فى مدرسة اعدادى لانهم كانوا عايزين ينزلونى ابتدائى لان شهادتى كدة
المهم دلوقتى عايزة اجدد الانتداب والموجهة مش موافقة قالتلى هنزلك ابتدائى لان ده مسئولية على لكن لو جبتى موافقة زى السنة اللى فاتت ممكن امشيها ( هى خايفة اكيد على نفسها )
بس انا ماينفعش اعمل زى السنة اللى فاتت لانها كانت بهدلة ووسايط وقرف وانا تعبت بصراحة
انا عاملة دبلوم تربوى سنتين ويوم ما عملته قالولى ان الدبلوم ده يأهلنى انى ادرس اعدادى ودلوقتى بيقولولى مافيش حاجة اسمها كده الدبلوم مش بتعمل كده ولازم قضية وكلام كتييييييييييييييير كده شكلهم بيدوخونى يعنى
على فكرة انا الكادر بتاعى طلعلى معلم اعدادى
بس بردة قالولى الاساس العقد مش الكادر
هل فيه مخرج من الموضوع ده
او فيه معادلة اعملها عشان ابقى اعدادى رسمى

جزاك الله خير

الاتنداب إجراء مؤقت تجريه الجهة الرئاسية لشد العجز ولا يكسب حقا مهما طال
فمهما عملت فى التعليم الاعدادى هو اجراء مؤقت ولا يستطيع الموجه استمراره فسرعان ما تعودين الى مكانك الطبيعى
وعلى اى حال
الموجه المختص هو المنوط باستمرارك او تجديد ندبك للتعليم الاعدادى على مسئوليته الشخصية بناء على العجز والزيادة فى الادارة