[أ/رضا عطيه]

نور الهدى زكى
عضو جبهة التحرير (التغيير سابقا )

اتصلت دكتورة مصرية وقالت لك أنا هشتغل الجمعة والسبت فى المستشفى لأنقذ المرضى من العصيان اللى انتم دعيتم له

فكان ردك عليها
إنت أكيد مش عايشه فى مصر
أكيد عايشه فى بنجلاديش

ألا فين بنجلاديش دى ياأستاذه ؟

يس سراج الدين

الأسم له تاريخ فى حزب الوفد

لوسعد باشا زغلول كان عايش وهو بيشوف عضو من حزب الوفد بهذه السلبية ومعاهم معاهم ومفيش عليهم عليهم من أجل مصر

كان فكر كتير يسيب لكم هذا الحزب العريق

هو الإتكيت كمان فى الدعوة للخراب يامن تحمل اسم له تاريخ؟

مذيعة البرنامج المضلل

هو كل همك تظهرى أمام الأقلية بأنك متحررة والتليفزيون المصرى حر ويستضيف من يشتم الجيش ويلعنه على الهواء رغم اعتراض كل المتصلين من الشعب؟
إتصل بالبرنامج سبعة وضيوفك ثلاثة
تبقى كدا هتقدمى الصورة الصحيحة لرسالة التليفزيون المصرى
إنزلى من الاستوديو ولفى فى الشوارع وافتحى المجال للملاك الحقيقين للتليفزيون المصرى
لو كنتى عايزه تثبتى إن إنتى فعلا مقدرة إن مرتبك من الشعب
شكلنا هنقطعه قريب عن أمثالك لأن سياستك فقط موجهة للقلة المسيطرة
دا احتلال ياحضرة المذيعة
لما القلة نلاقيها فى وشنا كل يوم فى برنامجك وهو نفس الفكر مع تغيير الوجوه
يبقى اسمه إحتلال
لما نسيب الناس هتموت من الغيظ فى الشوارع ونفسها تتكلم وحد يسمعها وتروحى تجيبى الشلة إياها
يبقى دا احتلال
لما تستضيفى تلاته من فصيل واحد يدعون للعصيان
وسبعة متصلين من الشعب يعترضوا على كلامهم
وفى نهاية البرنامج كل مايهمك إرضاء ضيوفك على حساب المتصلين من البسطاء
دا مش إعلام
دى مهلبية ونفاق
إنزلوا من الاستوديوهات واذهبوا للعشوائيات وللقرى والنجوع وكمان للتحرير وكل مكان فى مصر
إن كنتم فعلا تستحقون المرتب الذى تحصلون عليه من دم البسطاء
لأن الحصار القادم لماسبيرو سيكون من طوفان الأغلبية
وعمر الحرية ماكانت على رقاب الأغلبية
خير الأمور الوسط
وألف باء إعلام
الرأى والرأى الأخر ولاينفرد فصيل ببرنامج لمدة ساعة يعلنوا فيها مخططاتهم وتكتيكاتهم للعصيان
دون الرأى الأخر أو المعارض
فقط ظنا من الإعلامية هذه أنها هكذا حررت التليفزيون المصرى ؟!! وبكدا هينول الرضا؟