[**تسابيح**]

تعرفوااا
واحد عربيته اتسرقت..عادي
ما كل الناس بقيت عربياتها بتسرق
والحمدلله اني معنديش عربية
المهم انه بلغ البوليس وعمل كل حاجة عشان يرجعها
معرفش يرجعها...!
طيب يعمل ايه يعمل ايه؟
ركزوا عشان اللي عربيته ناوية تسرق بعد الشر يعني
المهم
سمع أن فيه راجل عربيته بردو أتسرقت
فجاب راجل كدا بركة ...عشان يعرف من اللي سرقه
يقوم ايه الراجل البركة دا يعرف الحرامي
المهم صاحب العربية مكدبش خبر
وراح جايب البركة دا ..ودفع دم قلبه ..ورجعت له العربية
وانا اللي كنت ظالمة البركة
المهم نرجع للعربية الأولي اللي اتسرقت ..ورجعت بالبركة..
الموضوع ان اللي كان سرقها ..وقال للناس ع مكانها..
بعد لما جننهم شوية فالناس بئا افتكرت اني دي من بركاته الحج البركة
فصدقوا الفيلم..!!
العربية التانية بئا ....رجعت عن طريق البوليس..
العيال اللي سرقوها ..مش عرفوا بصرفوها..
والبوليس رجعها صحيح شوهوها بس تمشي عربية
خلاصة الموضوع اننا في 2012 ولسه لحد دلوقتي فيه ناس
بتصدق ان فيه حد بيعلم االغيب غير ربنا سبحانه وتعالي..!!
مش عارفة ايه قمة التخلف داا...
لا ومش كداا دا توصل لمرحلة..العياذ بالله الشرك ..!!
يعني الدجال دا لو بيعرف الغيب ليه مش بقي غني
ولا حتي نفع نفسه..؟!!