[Dr/Reem2011]

المشاركة الأصلية كتبت بواسطة dr.mohamed taha

والله انا كنت كده وكنت أبو اللعب كله ومذاكرتش الا أيام الإمتحانات بجد و تركيز عاليين .. وطول السنة أذاكر الدرس لحل الواجب والإمتحانات بس واللي نفعني اني كنت بفهم مش بحفظ فالدرس بالنسبة لي كان موجود في دماغي .. فلازم نفهم الأول بدون توتر واياكي والتفكير في الإمتحان دلوقتي لدرجة انه ينسيكي الحاضر ..
الحاجة العلمية اللي أخوكي مجربها انه لما كان عنده امتحان كان بيقفل الجهاز خااااااااااااااااالص ويسحب الرامات في جيب الحاج أبوية وابقي قابليني لو شوفت الجهاز تاني الا بما أجيب درجة حلوة في الإمتحان

ولو مجبتش درجة حلوة ........... ......... بس كده دي ببساطه
والحاجه التانية والأهم اني لازم أكون مركز على عملي كطالب مش كمحاور على النت أقعد أرد على مواضيع وكلام من ده أكيد بستفاد ماشي بس بيضيع وقتي بالأكتر فلازم أخلص حاجتي
الثانوية العامة أصعب حاجه في التعليم لأنها نقطة تحول كبيرة جداً
وعامة الواحد لو دخل أي كلية حاببها بيبدع فيها فلازم تحاولي على الأقل انك تدخلي الكلية اللي نفسك فيها أو لو معندكيش هدف ,, وأنا مظنش ,, يبقى ادخلي اللي يرضي بيه ربنا والوالدين (اللي على قد المجموع بئه)
وأذكرك بكلمة قالها الشيخ أبو اسحاق ,, ربنا يعافيه ,, قال : لا يعنيك متى تصل ولكن يكفيك شرف الهدف
بالتوفيق ان شاء الله



روح ذاكر يا واد

والله كلام حضرتك عجبني جداااااااااا جدااااااااااااااااا ياباش مهندس
وانا كنت هرد عليهم بس بصراحه ملقيتشي كلام يضاف على كلام حضرتك
هكون بسفه من كلامي لو ضفت
وخصوصا بعد اللي ختمت بيه كلامك