السلام عليكم ورحمة الله وبركاته
اولا ربنا معاكم جميعا ويارب كل امنيكم تتحقق
انا داخلة 2 ثانوى
يعنى انتى اولى لسه ؟
المشكلة الاولى ان موضوع اختيار كيما ولا احياء ده معقدنى جدااااااااااا
المهم انا حجزت كميا وربنا يستر
المشكلة ان اصحابة بيخوفونى جاااااااامد وبيقولولى احياء فى تالتة مع فزيا كتيييييير اوى اوى ومش هينفع !!
بصى انا برده زيك لسه اولى وبرده كنت عايزة اخد أحياء بس انا لقيت انى كده ممكن اضيع يعنى انا لو مقدرتش احقق مجموع عالى اوى ممكن احول علمى رياضة او لو نزلت لا قدر الله احول ادبى لكن احياء هتخليكى علمى علوم وربنا يوفقنا جميعا يارب
طيب انا اعمل ايه ؟! انا حجزت كميا خلاص
وتعبت جدا من الموضوع ده
ممكن الى ف تالتة حاليا وواخدين احياء مع فزياء يقولوا التجربة ايه معاهم ؟
عادى يعنى ولا الموضوع مستحيل
وايه عيوب اختيار الكميا فى تانية وايه المميزات وكذلك بالنسبة للاحياء بردو معلش هتعبكم بس هتكسبوا ثواب انا معظم مدرستى بتختار كيمياء فى تانية وبعدين الفزياء فيها حل والاحياء عايزة مذاكرة شوية يعنى هيبقى كويس لكن لو كيمياء وفيزياء الفيزياء حل والكيمياء فيها حل شوية
تانى حاجة انا مش شاطرة اوى فى النحو مشكلتى وعقدتى الكبيرة
دايما امتحانات العربى اقفل بقية الفروع وكل درجاتى
مهدوووووووورة فى النحو بس
وانا خايفة اوى ان ده يأثر عليا فى السنتين
الجايين
ويكون السبب النحو
ياريت تروحى عند مدرس شاطر فى النحو ويكون بيفهم النحو مش بيحفظه ويحل كتير وياريت انتى تحاولى تحلى عليه كتير انتى بتذاكريه منين ؟
لو من ملزمة بلاش النحو احسن حاجة يتذاكر ويتحل عليه من كتاب زى الاضواء مثلا حلو فى الشرح والرسالة اوقات فيه اسئلة حلوة يارب اكون افدتك
اخر حاجة انا بكون مذاكرة كويس الحمد لله
اثناء الامتحان من التوتر بحس ان كل المعلومات اتمحت من كتر التوتر وايدى بتترعش وببقا فى حالة ما يعلم بيها الا ربنا
ده فى امتحانات النقل اومال السنة الجاية والى بعدها هعمل ايه
والموضوع ده قلقنى جدا جدا لاقصى درجة ممكن تتخيلوها
انا شخصية قلوقة انا عارفة بس دول اكتر 3 حاجات منكدة عليا عيشتى
لا لا سيبك من القلق ده انا كنت زمان كده شوية لكن دلوقتى الحمد لله عادى اعرفى انك طالما عملتى ايلى عليكى خلاص ربنا مش هيضيع تعبك ولو غلطتى فى حاجة او محققتيش حلمك لاقدر الله يبقى ترضى ويبقى ده لحكمة ربنا وتحاولى تبدعى فى المجال ايلى اختاره ليكى ربنا والقلق برده طبيعى شوية بس لازم تقاومى نفسك
ممكن اصحاب الخبرات والى فى ثانوية عامة حاليا يوضحولى الصورة اكتر
مش شرط تطمونى وخلاص لا صارحونى عادى جدا انا فير
بس وضحولى يمكن اكون غلطانة
اخر حاجة معلش انا طولت
مستر المدرسة قلنا مرة ان فى ثانوية عامة سواء 2 او 3صعب اوى ان الواحد يقفل الانجلش !!!!!!
الكلام ده فعلاً؟
مش عارفة هو مش مستحيل بس صعب عشان البرجراف والترجمة ممكن كلمة تغيب عننا بس احنا نعمل ايلى علينا وندعى ربنا يوفقنا
وربنامعاكم وفقكم وتجيبوا اعلى الدرجااااااااات ياااااااااااااااااارب وتكون سنة سعيدة علينا جميعا ان شاء الله هى وكل السنين
منتظراكم