بسم الله
قبل كل حاجة لازم الطالب يكن علاقته مع ربنا كيسة عشان حتى لو بيذاكر تمام و المنهج فى دماغه لكن مسبب الاسباب مش كاتبله التوفيق ولا كانه عمل حاجة
لازم الصلوات الخمسة على اوقاتها و نرضى ربنا و ندعي على قد ما نقدر ... ربنا ارحم و اكرم من انه يحرمنا من خير لينا
و بالنسبة لمذاكرة المنهج طبعا لازم مدرس شاطر زىالزملاء ما قالوا
الحفظ ضرورى فى بعض المواضع لكن مش شرط يكون ممل و يزهق
لو مثلا النهاردة اخدت حاجة فى الدرس و مش فاهمها (المذاكرة من كتاب المدرسة مش موضحة من اول مرة)
ممكن ورقة و تكتب الدرس على مزاجك على هيئة نقط 1 2 3 و اسئلة علل بشكل و الوان جميلة بس ما تسسيبش كلمة فى الكتاب ماتحطهاش فى نقطة او تعملها اجابة لسؤال علل عرف ماذا يحدث او حتى نبذة
و مع كل كلمة بنكتبها بنفكر فيها --ممكن دة ياخد ساعة زيادة بس هيوفر ان شاء الله وقت كتير فى المراجعة-
و القراية مع الكتابة و التفكير مع التفنين فى الالوان-اللى احنا بنختارها على اساس اللى احنا فاهمينه و اللى احنا عاوزين نهتم بيه- بيدى جو تركيز جامد جدا و بيبقى -الدرس المكتوب بطريقة جميلة- صديق وفى فى المراجعة و ممكن تستغنى عنه بعد مراجعتين تلاتة و ترجع للكتاب عشان ليه سحره برضه
مع العلم انى عملتها مع فصل الاحساس و بقى الحمد لله اكتر فصل متمكن منه و ذاكرته فى وقت اقل بكتير من وقته من الكتاب
*لكن الاستعانة الدعاء و دعاء الوالدين مهم جدا
و ماننساش ((إن الله لا يضيع أجر من أحسن عملا)) خليها فى دماغك و انت بتفهم و بتحفظ و تأكد انك لما بتحاول تحفظ مرة و اتنين و تلاته قول المرة دى ان شاء الله هتكون احسن مرة و هكون احسن طالب فيها لان دة وعد ربنا و دة احسان العمل اللى نقدر عليه
وربنا معاك و آسف للاطاله
|