مش عارف ليه بحس بصفة عامة ان مواضيع طرق المذاكرة و كده و طلب النصايح مش مهم
انا شايف اللي عايز يعمل حاجة بيعملها لو انت حاطط ادامك هدف هتذاكر و مش هتضيع وقت مش هتزهق
اللي يجي يقول انا زهقت من شهر تلاته من المذاكره يبقي يا معندهوش هدف يا مش متمسك بيه
انت مثلا ما شاء الله عليك زي ما بيقولو واضح انك بتعرف ازاي تذاكر و ازاي تجيب درجات
و ديه اهم حاجة احنا لسا معانا اكتر من 100 يوم علي الامتحانات
انا شايف انهم كفاية قوي
حط هدف قدامك و اشتغل علشانه و صدقني هتنبهر باللي هتقدر تحققه
هو محتاج منك عزيمة مش اكتر
انت لو مصمم علي هدفك هتفهم كلامي كويس و حتحس بيه
انما لو مش متمسك بهدفك يبقي انا بغني في وادي تاني
شد حيلك و ربنا هيوفقك عشان اللي بيتعب ربنا مبيضيعش مجهوده