[محمدشومان]

لما بدأ الكادر فرحنا وقلنا اتعدلت والحمد لله رب العالمين

قامت الثورة كنا معاها وبنادى بيها من زمان

قالو رفع الحد الادنى للاجور قلنا يعنى هنزيد

قالوا لشباب الخريجين فقط عشان هما بيبنوا مستقبلهم

قلنا ومستقبل اولادنا قالوا مش عارفين

قلنا يتغير الوزير وفعلا قاموا بالتغيير

جابوا واحد مننا عارفين طبعا مين واحد من وسط اللمعلمين المطحونين

طلع الهمام وقال بصوت عالى المفروض يكون الحد الادنى للمعلمين3000 جنيه

طرنا من الفرح ورفعنا ايدنا لفوق وقلنا الراجل ده فاهم وهايجيب لنا حقوقنا

عمل مشروع كادر جديد وعرضه على بعض المقربين

قلنا برضه موافقين بس عايزين نعرف ايه مضمون التعديل

قال ايه الحد الادنى 1500 جنيه ولكل فئة حد ادنى وبدون حد اقصى

قلنا وراهم آمين

قالو بكره ها يتعرض على مين وبعده على مين وبكره وانتم نايمين

وشويه وسمعنا ان وزير اغلماليه بيعترض على تعديل كادر المعلمين

طب ليه ما اعترضش على كادر الاطباء والا الصيادله والا الشرطةوالا الضرائب والا القضاه والا مين والا مين

بنسأل قال ايه عدد المعلمين كتير

يا خراشى

موتلك منهم شويتين عشان العدد يقل

ياه دا احنا لسه فى زمن الظلم والمزله والاهانه للمعلم اللى علم وربا وكبر لحدج ما بقا وزير
وانا مكانى بالطباشيره مستنى احفادك عشان اعلمهم زى ما علمتك يا سيادة الوزير

انهض بالمعلم عشان ثورتك تتم وتتواصل